Lajme

Atiq: Ditë të mira po vijnë për Mitrovicën

Autori: Gazeta inFokus 12:32 | 23 April 2023

Kandidati i Lëvizjes Vetëvendosje për Mitrovicën e Veriut, Erden Atiq, u shpreh i bindur sot se ditë të mira po vijnë për këtë komunë. Pasi votoi në qendrën e votimit në “Lagjen e Boshnjakëve”, ai tha se ka përfunduar koha kur Mitrovica është përmendur për të keq.

Atiq ftoi qytetarët që të ushtrojnë të drejtën e tyre të votës, duke zgjedhur udhëheqjen e re të Mitrovicës së Veriut.

“Unë sapo votova, sapo e kreva obligimin qytetar. Shpreh mundësinë nëpërmjet televizioneve tuaja t’i bëj ftesë të gjithë qytetarëve të komunës veriore të Mitrovicës që të votojnë në numër sa më të madh ta përkrahin kandidatin, të cilën ata mendojnë që është më i miri”, tha Atiq.

-Advertisement-

Atiq u shpreh i bindur se ditë të mira po vijnë për Mitrovicën e Veriut.

“Unë jam më se i bindur që për Mitrovicën po vijnë ditë të mira. Kanë përfunduar ditët kur komuna veriore e Mitrovicës u përmend vetëm në konotacion të keq edhe ka pasur vetëm lajme të këqija. Jam i sigurt që ditë të mira për Mitrovicën më në fund po vijnë”, shtoi ai.

Në Mitrovicën e Veriut garojnë Betim Osmani nga Iniciativa Qytetare, Taulant Kelmendi nga Partia Demokratike e Kosovës dhe Erden Atiq nga Lëvizja Vetëvendosje. Të drejtë vote në katër komunat veriore kanë mbi 45 mijë qytetarë./KP

Subscribe në YouTube: GAZETA INFOKUSI