Asociacioni, marrëveshja: Mesazhet e qarta të Lajçak’ut pas takimeve që pati me Kurtin e Vuçiqin
Autori: Gazeta inFokus 07:55 | 15 March 2023
Ndërmjetësuesi i BE-së në dialogun Kosovë-Serbi, Miroslav Lajçak, edhe njëherë ka përsëritur se themelimi i Asociacionit të komunave me shumicë serbe, është obligim që i takon Kosovës.
Sipas Lajçak, Asociacioni duhet dhe do të krijohet, pasi kështu rekomandojnë edhe të gjitha strukturat evropiane, përfshirë BE-në dhe ShBA-në.
Kjo metodë shtëpiake do të ndalojë dhimbjen e kyceve në vetëm 3
“Autoriteti më i lartë i BE-së thotë se duhet të krijohet Komuniteti. SHBA thotë që Komuniteti duhet të krijohet. Pra duhet të krijohet Asociacioni dhe do të krijohet”, theksoi ai në intervistë për RTS.
Lajçak edhe njëherë ritheksoi se pret që, për formimin e Asociacionit, të merren parasysh 15 modelet evropiane që i ka ofruar BE-ja. Mirëpo, ai këtë herë ka shtuar se këto modele duhet shfrytëzuar vetëm si frymëzim, jo si alternativë.
“Ne e dimë që është rënë dakord në 2013, por nuk ndodhi. Këtë herë duhet të ndodhë, bazuar në atë që u ra dakord në 2013, përkatësisht në 2015. Ne propozuam 15 modele ekzistuese evropiane si frymëzim. Jo si një alternativë. Ndoshta marrëveshjet e vitit 2013 apo 2015 nuk do të japin përgjigje për të gjitha pyetjet. Unë dua që ne të kërkojmë frymëzim nga modelet funksionale evropiane”, deklaroi emisari evropian.
Lajçak ka theksuar se Marrëveshja e Brukselit, e cila është nënshkruar 10 vjet më parë, nuk është braktisur. Ai shtoi se modelet e ofruara japin ndjenjën e sigurisë, ngase Asociacioni, sipas tij, nuk është diçka ndaj të cilit Kosova duhet të frikësohet.
“Komuniteti duhet të ndërtohet sipas modelit që është rënë dakord në 2013 – 2015. Dhe modelet janë aty për të treguar se askush nuk duhet të ketë frikë. Ka modele të vetëqeverisjes, të minoriteteve në Evropë dhe kjo nuk është asgjë e rrezikshme. Askush nuk duhet të ketë frikë. Është normale që kemi garanci ligjore që komuniteti pakicë të ndihet i sigurt”, shpjegoi ai.
Modelet e ofruara nga BE-ja i ka komentuar edhe vetë kryeministri i vendit, Albin Kurti.
Kurti ka thënë se këshilltarët e tij dhe disa nga ministrat janë duke trajtuar 15 modelet për Asociacionin që emisari i BE-së për dialogun, Miroslav Lajçak, ia ka ofruar atij.
Ai shtoi se, nga këto modele të trajtimit të pakicave kombëtare në Bashkimin Evropian, do të shohin të marrin elemente që edhe pakicat në Kosovë të jenë në nivelin e duhur. Por nënvizoi se nuk do të bëjë kompromis me kushtetutshmërinë, ligjshmërinë dhe funksionimin e shtetit.
“Janë përmendur 15 raste të tilla, disa janë më rishtazi, disa më të hershme edhe para se të ekzistojë Bashkimi Evropian. Unë besoj se ato janë modele nga të cilat ne mund të marrim elemente në mënyrë që jo vetëm të drejtat e njeriut, por edhe të pakicave kombëtare të jenë në nivelin e duhur në vendin tonë…”, deklaroi dje, shefi i ekzekutivit.
Emisari Miroslav Lajçak është pyetur edhe se a do të ketë Asociacioni kompetenca ekzekutive, pyetje kjo që Lajçak e anashkaloi disi, pasi tha se ende nuk dihet si do të krijohet.
“Duhet të bien dakord për një sërë detajesh, të propozohet një statut dhe të dy palët bien dakord për statutin. Për dhjetë vjet, marrëveshja nuk është përmbushur, por kësaj radhe do të jetë, sepse nuk do të kemi një marrëveshje pa Asociacion”, tha Lajçak.
Të tjera
-
Gjykimi për dallavere me patentë shofer, të akuzuarit deklarojnë se MI-së nuk i shkaktuan dëm buxhetor
Në këtë rast, ish-ushtruesi i detyrës së Sekretarit të Përgjithshëm në Minist...
-
Vd es një 42 vjeçar në Suharekë, ra në kontakt me rrymën elektrike
Një 42 vjeçar ka vdekur si pasojë e goditjes nga rryma elektrike. Ngjarja e r...
-
Haiziri tregon kur mund të mbahen zgjedhjet
Mundësia për zgjedhje të parakohshme duket të mos jetë e mundur aktualisht. ...
-
Vuçiq i bindur te fitorja e tij në zgjedhje: Hapini kutitë, mund t’i numëroni 100 herë
Një ditë pas triumfit në zgjedhjet e pjesshme lokale, presidenti i Serbisë, A...
-
Kurti thotë se kompania turke “Baykar” është adresë e duhur për armatim: Kur do të blejmë e sa, merret vesh më vonë
Kryeministri i Kosovës, Albin Kurti, ka deklaruar se kompania turke “Baykar”,...
-
Sveçla “ndërron temë”, publikon pamje të maleve të Veriut
Derisa në vend po debatohet rreth telefonatës së Mimoza Kusari-Lilës dhe Mila...
-
Valon Syla ka një pyetje për Albin Kurtin: Pse e merr me vete në çdo takim Kusari-Lilën?
Valon Syla, gazetar, ka folur në “Pressing” të T7, për bisedën e publikuar ku...
-
Dalin pamjet e adoleshentit nga Fushë Kosova që u rra hë me grushte nga disa persona
Një prind në Fushë Kosovë ka raportuar se disa persona ia kanë rrahur djalin....
-
Paralajmërimet për hapjen e Urës së Ibrit, ish-Komandanti i KFOR’it Bühler: Qeveria duhet t’i dëgjojë këshillat e aleatëve
Ura e Ibrit është mbyllur qe shumë vite për qarkullim të veturave, mirëpo vit...
-
Haxhiu viziton nënën e Eronës që u v*a nga ish-partneri i saj: Secila pjesë e shtëpisë ia kujton ndonjë moment me vajzën dhe nipin
Ministrja e Drejtësisë, Albulena Haxhiu, ka vizituar sot nënën e Erona Coklit...
-
Të ardhurat mesatare do të bien me 19% për shkak të ndryshimit klimatik
Të ardhurat mesatare në mbarë botën do të pakësohen me një të pestën deri në ...
-
Në Serbi po kryhen arrestime për akuza të panjohura në Kosovë
Pikëkalimi mes Kosovës dhe Serbisë, Merdare, është një prej zonave ku autorit...