Asnjë gjurmë nga sulmuesit e Top Channel, “gabimi” që i shpëtoi dhe shpresa e vetme për zbardhjen e ngjarjes
Autori: Gazeta inFokus 16:08 | 29 March 2023
Tre departamente në Policinë Shkencore, sektori i balistikës, ADN-së dhe gjurmëve papilare kanë përfunduar akt ekspertizat në automjetin “Range Rover”, të përdorur në sulmin e armatosur ndaj selisë qendrore të Top Channel.
Sektori i balistikës pas provave të kryera, konfirmon se dy kallashnikovët që qëlluan me 26 plumba, nuk janë përdorur në asnjë krim tjetër.
Nga ana tjetër, sektori i gjurmëve papilare pohon se nuk është gjetur asnjë gjurmë papilare që do të çonte tek autorët e mundshëm të përfshirë në këtë krim të rëndë. Gjithashtu, në targën e përparme të djegur pjesërisht thuhet se nuk ka asnjë gjurmë, pasi ka dyshime se shërbimi zjarrfikës duke ndërhyrë për të shuar flakët në automjetin “Range Rover” ka dëmtuar çdo gjurmë të mundshme që do të mund të përftohej nga Policia Shkencore.
Por prova më e rëndësishme është gjetur në një gëzhojë, të sekuestruar brenda në automjet. Një provë ADN-je, që grupi hetimit ka shpresë se do të shkojë drejt autorëve, të cilët qëlluan me armë zjarri duke gdhirë dita e hënë. Kjo provë ADN do t’i nënshtrohet metodës së krahasimit me 6 oficerë policore që morën pjesë në kqyrjen e vendngjarjes dhe mbas përjashtimit kjo provë do ti dërgohet Europol me seli në Lion, ku do të krahasohet me provat e tjera të ADN të arshivuara nga policët europianë.
Një metodë e tillë krahasimi është përdorur për zbardhjen e një krimi të rëndë, sikurse është vrasja e Artan Cukut. Ishte një provë ADN e konstatuar në veshjen e përdorur nga vrasësi që më pas ju shpërnda Europol përmes të cilës u konfirmua se policia e kishte proceduar Mikel SHallarin për ngjarje të mëparshme.
Por, pavarësisht veprimeve të ethshme hetimore, listës së gjatë të dëshmitarëve të pyetur, dhe përgjimeve të shumta deri më tani nuk ka emra të dyshuarish. Deri më tani, emrat e të dyshuarve janë ende larg e po ashtu deri më tani edhe pistat janë ende larg, për të cilin agjencitë ligjzbatuese do të duhet të bënin transparencë e të informonin se pushteti i katërt, media Top Channel u qëllua me kallashnikovë 26 herë, duke vrarë Pal Kolën e duke rrezikuar shumë të tjerë që gjendeshin në detyrë./Top Channel
Të tjera
-
Haradinaj për rastin e Faton Hajrizit: Haxhiu është dashur të pranojë se kemi dështuar brenda territorit tonë
Kreu i Aleancës për Ardhmërinë e Kosovës [AAK], Ramush Haradinaj ka kritikuar...
-
Bajrami i reagon ashpër Mihalit: Shefja e nëntokës së VV’së, zyrtarja që kurdisë gjithçka në partinë në pushtet e shtet
Dejona Mihali, Koordinatore e Komiteteve në Lëvizjen Vetëvendosje, ka shkruar...
-
AGK-ja denoncon fushatën e rrezikshme akuzuese të deputetëve të VV-së kundër “Periskopit” dhe “Nacionales”
Asociacioni i Gazetarëve të Kosovës është i alarmuar me fushatën e re të Lëvi...
-
Serbia dërgoi shenjat e gishtërinjëve të një personi, MPJD-ja tregon se a i përkasin Faton Hajrizit
Ministria e Punëve të Jashtme dhe Diasporës ka njoftuar se është konfirmuar v...
-
Serbia nuk i përgjigjet Kosovës për Faton Hajrizin, MPJD flet me familjen dhe ankohet te vendet e QUINT-it
Kosova po pret përgjigje për konfirmimin e identitetit të personit të vrarë n...
-
Koci: Kam biseduar me vëllain e Fatonit, e kam mision kthimin e trupit të tij në Kosovë
Avokati Arianit Koci, në një deklaratë për Nacionalen, ka folur rreth çështje...
-
121 kërkesa të paraqitura sot për konvertimin e patentë shoferëve ilegalë serbë
121 kërkesa për konvertimin e patentë shoferëve ilegalë serbë, në ata legal R...
-
Kjo është gruaja që u arrestua pasi dyshohet se e ndihmoi Faton Hajrizin të arratiset
Dy persona janë arrestuar në Kosovë si të dyshuar se ndihmuan Faton Hajrizin ...
-
Prokuroria Speciale konfirmon intervistimin e ministres Albulena Haxhiu
Prokuroria Speciale ka konfirmuar se ministrja e Drejtësisë, Albulena Haxhiu,...
-
Mustafa: Kur Qeveria e quan Kosovën “projekt të përkohshëm”, s’është çudi që kështu na trajton edhe BE-ja
Deputeti i Lidhjes Demokratike të Kosovës, Besian Mustafa tha se “nuk është p...
-
Departamenti amerikan i Shtetit e emëron pasuesin e Escobarit: Aleksander Sasha Kasanof
Aleksander “Sasha” Kasanof është njeriu i zgjedhur për ta pasuar Gabriel Esco...
-
Mbyllen dy pompa në veri të Kosovës, Inspektorati publikon pamje
Dy pika të derivateve në Zveçan dhe Leposaviq janë mbyllur përkohësisht nga I...