Lajme

ASK: Ministria e Financave konfirmon se komunat nuk kanë kompetencë ligjore që të falin tatimin në pronë

Autori: Gazeta inFokus 15:56 | 03 February 2023

Asociacioni i Komunave të Kosovës ka treguar se Ministria e Financave nuk ia ka pranuar kërkesën Komunës së Drenasit për faljen e tatimit në pronë.

ASK përmes një statusi në rrjetin social në Facebook ka publikuar përgjigjen e Ministrisë së Financave drejtuar kryetarit Lladrovci, në të cilën shkruhet se legjislacioni në fuqi nuk autorizon komunën për faljen e pagesës së tatimit në pronë.

“Ministria e Financave, Punës dhe Transfereve (MFPT) konfirmon të drejtën e Komunave që nuk kanë kompetencë për faljen e tatimit në pronë. Kjo është vërtetuar edhe në përgjigjen që MFTP ka dhënë edhe në kërkesën e kryetarit të Komunës së Drenasit, z.Ramiz Lladrovci i cili para pak ditësh kërkoi interpretim ligjor nga MFPT rreth asaj që a kanë të drejtë komunat të falin tatimin në pronë”, kanë shkruar nga ASK në Facebook.

Ndryshe, ditë më parë ministri i Financave, Hekuran Murati ju kishte propozuar anëtarëve të Komisionit për Buxhet që secilit tatimpagues në vend t’iu falen 100 eurot e para të tatimit të tyre në pronë.

Ofertë marramendëse nga Sharr Travel, me 75 euro vizitoni Vlorën, Tiranën e Beratin

Të tjera

Fokusi

lajme