Lajme

Asamblisti i LVV-së që u zu me 11 mijë doza drogë e quante opozitën “Bandita”, kështu e mbronte Kurtin në rrjetet sociale

Autori: Gazeta inFokus 12:06 | 15 August 2023

Besnik Mujeci, asamblisti i LVV-së në Prishtinë, i cili u kap në Tiranë me mbi 11 mijë doza të drogës të llojit ekstazi së bashku me 4 persona të tjerë, ka qenë vazhdimisht goxha i zëshëm në mbrojtje të qeverisë Kurti.

Në publikimet e tij në rrjete sociale ai e quante opozitën e Kosovës, “Bandita” duke thënë se ka perënduar koha e tyre.

-Advertisement-

Madje në disa postime ai aludonte se përkrahja për LVV-në në Kosovë ka arritur në 80% e edhe me tone kërcënimi duke thënë “Mos u halitni se ju djegin e jo na”.

Policia e Shtetit në Shqipëri dha një deklaratë zyrtare për sasinë e sekuestruar të ekstazisë të hënën në mbrëmje në Tiranë.

Sipas policisë bëhet fjalë për 11 mijë e 300 kokrra ekstazi me peshë 5 kg e 93 gr dhe me vlerë tregu 400 mijë euro.

5 personat, mes tyre dhe një vajzë 28-vjeçare u kapën në kryqëzimin e rrugës Myslym Shyri dhe Sami Frashëri.

Sipas policisë ata shfrytëzonin fluksin e sezonit për të transportuar lëndën narkotike përmes një linje autobusësh Prishtinë-Tiranë. Në momentin që ekstazia mbërrinte në Tiranë, ajo transportohej përmes makinave me qira, ndërsa fokusi ishte te shpërndarja në zonën e bregdetit. Trafikantët kërkonin paradhënie dhe lënie të automjeteve garanci për ekstazinë. Përveç sasisë së lëndës narkotike edhe një automjet e pesë aparatë celularë u sekuestruan. /Gazeta Infokus/