Sport

Arteta: Mposhtën skuadrën më të fortë në botë!

Autori: Gazeta inFokus 10:50 | 09 October 2023

Arsenal mposhti Manchester City në Emirates Stadium me shifrat 1-0 falë një goli në minutat e fundit të ndeshjes nga Gabriel Martinelli. Festa ishte e jashtëzakonshme në rradhët e Topçinjve, teksa pas sfidës, trajneri Mikel Arteta theksoi se mposhtën skuadrën më të fortë në botë.

“Atmosfera është e jashtëzakonshme, duket që kishim vite pa fituar ndaj Cityt. Mendoj se mposhtëm skuadrën më të fortë në botë, e bëmë këtë në mënyrën më të shkëlqyer. Kishte momente gjatë ndeshjes në të cilat vuajtëm shumë, por kishte edhe momente që treguam dëshirën për të marrë pikët e plota.Jam shumë i lumtur dhe kjo fitore shërben edhe si një mesazh për lojtarët që të besojnë në atë çfarë po bëjnë sepse janë një grup fantastik. Ekipi tregoi shumë maturi, kemi fituar eksperiencë dhe jemi përmirësuar”, u shpreh Arteta.

-Advertisement-