Sport

Arsenali kualifikohet në çerekfinale të EFL Cup

Autori: Gazeta inFokus 22:35 | 26 October 2021

Skuadra e Arsenalit është kualifikuar në çerekfinale të EFL Cup, shkruan Gazeta inFokus.

‘Topçinjtë’ në 1/8 e finales e kanë eliminuar Leedsin, pasi e kanë mposhtur me rezultat 2-0.

Në takimin e zhvilluar në ‘Emirates Stadium’ në Londër, 45 minutat e parë përfunduan me rezultat të barabartë 0-0.

-Advertisement-

Pjesa e dytë ishte përcaktuese me Arsenalin që arriti të shënonte dy gola për të kaluar në rrethin tjetër të kësaj gare.

Kur po luhej minuta e 55’ vendasit kaluan në avantazh me golin e realizuar nga mbrojtësi anglez, Calum Chambers, i cili shënoi për shifrat 1-0.

Për rezultatin përfundimtar 2-0 realizoi sulmuesi anglez, Edward Nketiah, i cili i’a siguroi fitoren ekipit londinez me golin e shënuar në minutën e 69’.

Pas këtij triumfi, Arsenali ka kaluar në çerekfinale të EFL Cup dhe kundërshtarin e radhës do ta mësoj të mërkurën mbrëma./Gazeta inFokus/

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta

Të tjera

Fokusi

sport