Lajme

Arrestohet Nol Nushi, PSD-ja e quan “përndjekje politike”

Autori: Gazeta inFokus 17:18 | 12 November 2022

Partia Socialdemokrate ka njoftuar se është arrestuar anëtari i tyre, Nol Nushi.

Sipas njoftimit të kësaj partie, ai është arrestuar në orën 16:00 në trafik deri sa ishte në veturë pa urdhër arrest.

PSD-ja e ka quajtur përndjekje politike arrestimin e tij edhe pse i njëjti është liruar por që i është ndalur letërnjoftimi.

-Advertisement-

Njoftimi nga PSD-ja

Arrestohet Nol Nushi

Rreth orës 16:00, Nol Nushi është ndalur në semafor, teksa ishte në veturë. Policia nuk ka prezantuar asnjë urdhër arrest, duke shkelur rregullat dhe ligjin në fuqi. Ata kanë arrestuar Nolin pa asnjë mbulesë legjitime, legale dhe e kanë dërguar në stacionin policor- jug.

Kjo mënyrë e arrestimit pa prezantimin e fletarrestit i çel rrugë arbitraritetit. Reagimi ynë duhet të jetë i orientuar drejt kësaj mënyre funksionimi që lë vend për keqpërdorim nga pushteti, i forcave policore, në momente kur i duhet. Nëse i nënshtrohemi arbitrariteti sot, nesër përndjekja politike do të përligjet me veprime të tilla.

Nol Nushi lirohet, por i ndalet letërnjoftimi. Ky veprim policor nuk ka asnjë shpjegim ligjor dhe si i tillë është tejet i dyshimitë. Prandaj duhet që ndaj policëve dhe vijës komanduese të hapen hetime urgjente.

Subscribe në YouTube: GAZETA INFOKUSI