Lajme

Arrestohet një person në Pejë, policia i gjeti ạrmë pa leje në veturë

Autori: Gazeta inFokus 09:44 | 28 August 2024

Një person është arrestuar mbrëmë në fshatin Baran të Pejës, pasi i njëjti është kapur në flagrancë me armë ilegale.

Përmes një komunikate për media, Policia njofton se gjatë kontrollit rutinë, të dyshuarit i janë gjetur dhe sekuestruar një pistoletë me karikator dhe dhjetë fishekë.

“Drejtoria Rajonale e Policisё nё Pejё, Stacioni Policor Pejё, me datë 27.08.2024, rreth orës 23:20, patrulla Policore gjatё kontrollit rutinё nё fshatin Baran-Pejё, kanё ndaluar tё dyshuarin i cili ishte duke ngasur automjetin me targa vendore, gjatё kontrollit tek i dyshuari janё gjetur dhe sekuestruar:

-Advertisement-

Njё (1) Armё pistoletё ADAM cal:9mm

Njё (1) karikator i sё njejtёs armё

Dhjetё (10) fishekё cal:9mm”, thuhet në njoftim.

Pas arrestimit i dyshuari është shoqëruar në stacion policor ku është intervistuar nga organet e hetuesisë.

Me urdhër të prokurorit, të dyshuarit i është caktuar masa e ndalimit policor në kohëzgjatje prej 48 orësh dhe ai do të hetohet për veprën penale ‘Mbajtje në pronësi, kontroll ose posedim të paautorizuar të armëve’.

Subscribe në YouTube: GAZETA INFOKUSI