Lajme

Arrestohet kosovari, u paraqit si polic dhe kërkoi para nga 84-vjeçari në Zvicër

Autori: Gazeta inFokus 10:42 | 29 February 2024

Një shtetas kosovar ka dashur të marrë para nga një qytetar i moshuar në rajonin Weinfelden, (Kantoni i Thurgaut) si pjesë e një mashtrimi telefonik.

Por, të moshuarit të zgjuar 84-vjeçar i ishte dukur e dyshimtë kjo telefonatë. Rrjedhimisht ai ka njoftuar Policinë Kantonale të Thurgaut, e cila ka arrestuar 34-vjeçarin.

Plaku zviceran ka marrë një telefonatë nga një person, i cili pretendonte të ishte polic. Ai i ka shpjeguar atij se para të falsifikuara ishin paraqitur në qarkullim, shkruante policia kantonale në një komunikatë të lëshuar të mërkurën, shkruan Agjencia e Lajmeve e Zvicrës, SDA.

-Advertisement-

I moshuari qe udhëzuar nga mashtruesi përmes telefonit që të tërhiqte para nga banka në mënyrë që një person të mund të vinte në shtëpinë e tij për të kontrolluar nëse ato ishin autentike ose false.

Por 84-vjeçari ka dyshuar për tentativë mashtrimi dhe ka lajmëruar policinë, përcjell albinfo.ch. Dhe, policët arritën të arrestonin njeriun që donte të merrte para me mashtrim. Ndaj tij u hap një hetim penal, transmeton albinfo.ch.

Rekomandime të sjelljes nga policia kantonale e Thurgaut: Policët e vërtetë nuk do të kërkojnë kurrë nga diksuh dorëzim parash apo sendesh me vlerë. Asnjëherë mos u jepni para ose sende me vlerë njerëzve të panjohur.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme