Lajme

Arrestohet 17 vjeçari në Nish të Serbisë, kërcënoi se do të vriste 30 persona

Autori: Gazeta inFokus 17:20 | 06 May 2023

-Forcat e sigurisë në Nish të Serbisë kanë arrestuar një 17-vjeçar, i cili dyshohet se të premten kërcënoi se do të vriste 20 persona në fundjavë.

Pjesëtarët e Ministrisë së Punëve të Brendshme në Nish, me urdhrin e Zyrës së Prokurorit të Lartë Publik në këtë qytet, arrestuan një djalë 17-vjeçar nga Nishi për shkak të ekzistimit të bazës për dyshim se ai e ka kryer krimin e shkaktimit të panikut dhe çrregullimit, raporton mediumi “Novosti”.

Dyshohet se të premten, në profilin e tij në “Instagram”, ai publikoi një mesazh në të cilin kërcënoi se do të vriste mbi 30 njerëz në Nish nesër.

-Advertisement-

I dyshuari i mitur u dërgua para gjykatësit kompetent të Gjykatës së Lartë në Nish, i cili lëshoi urdhër që i riu të ndalohej.

Më herët u raportua se autoritete serbe kanë ndaluar një vajzë, e cila në aplikacionin “TikTok” dyshohet se ishte tallur me sulmin masiv në një shkollë të Beogradit dhe se e kishte lavdëruar sulmuesin.

Subscribe në YouTube: GAZETA INFOKUSI