Lajme

Arrestohen një grup hajnash në Klinë

Autori: Gazeta inFokus 12:57 | 12 June 2018

Njësia e Hetimeve e stacionit policor në Klinë, në bashkëpunim me njësitë tjera punuese dhe në bashkëpunim me qytetarët e kësaj zone, ka arritur të identifikojë dhe të arrestojë një grup prej katër personave të dyshuar që kanë kryer shumë vjedhje, shkruan AktivPress.

Nga të dyshuarit janë konfiskuar pesë televizion të llojeve te ndryshme, një pompë uji, një motosharrë dhe dy fshesa elektrike.

Këto vepra penale kryesisht janë vjedhje të rënda dhe vjedhje të ndodhura në shtëpi, banesa dhe dyqane afariste të qytetarëve të Klinës me rrethinë.

-Advertisement-

Të arrestuarit gjatë intervistimit kanë pranuar se në bashkëveprim kanë kryer këto vjedhje.

Policia e Kosovës ka falënderuar qytetarët e kësaj zone të cilët kanë bashkëpunuar dhe kanë ndihmuar policinë pa hezituar në raportim të dukurive negative kriminale brenda shoqërisë sonë, pasi që vetëm në këtë mënyrë mund dhe duhet të krijojmë një ambient të sigurt dhe të qetë për të gjithë qytetarët në komunën e Klinës dhe rajon në përgjithësi.

Subscribe në YouTube: GAZETA INFOKUSI