Lajme

Arrestimi i Arsenijeviqit, serbët nesër protestojnë për lirimin e tij

Autori: Gazeta inFokus 23:10 | 09 October 2024

Partia Demokratike Serbe, përmes një njoftimi ka bërë të ditur se nesër nga ora 10:00 do të organizohet një protestë, përmes së cilës kërkohet lirimi i menjëhershëm i liderit të tyre, Aleksandar Arsenijeviq, i cili u arrestua sot nga Policia e Kosovës.

Kjo protestë thuhet se do të mbahet te Stacioni Policor në veri të Mitrovicës.

Tutje theksoi se “kjo protestë nuk ka karakter politik, por qytetar”.

-Advertisement-

Ndryshe, politikani serb Aleksandar Arsenijeviq, është ndaluar për 48 orë nga Policia e Kosovës, nën dyshimin për veprën penale  ngacmim.

Zëvendësdrejtori i  Policisë së Kosovës për rajonin e veriut Veton Elshani,  ka thënë për Indeksonline se Arsenijeviq me urdhër të të Prokurorit është intervistuar dhe më pas është ndaluar për 48 orë. Elshani tha se Arsenijeviq e ka ngacmuar shefin e kabinetit të kryetarit të Komunës së Mitrovicës së Veriut, Visar Sylën, të cilit i ka fishkëllyer.

“Me urëdhër të prokurorit është bërë intervistimi  i Aleksandar Arsenijoviqit dhe  se pas intervistimit me urdhër të prokurorit është dërguar në mbajtje 48 orë për veprën ngacmim”, ka thënë Elshani.

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme