Lajme

Arifi publikon një dokument, pretendon se Sinani ka padi për vjedhjen e mbi 100 mijë eurove në buxhetin e Preshevës

Autori: Gazeta inFokus 19:00 | 07 February 2024

Kryetari i komunës së Preshevës, Shqiprim Arifi, ka publikuar një dokument, me të cilin pretendon se këshilltarja e kryeministrit Albin Kurti, Ardita Sinani, ka një padi për korrupsion pranë Gjykatës së lartë të Serbisë në Nish.

Sipas tij, ajo është e përfshirë në një skandal të vjedhjes së mbi 100 mijë eurove nga buxheti i komunës së Preshevës, të dedikuara për fondin për Bujqësi dhe Ndërmarrësi, transmeton klankosova.tv.

”Këshilltarja e Kryeministrit, Ardita është e shantazhuar nga bashkëpunëtorët e saj në Beograd e sidomos nga Vulini.

-Advertisement-

Po të hulumtojnë agjensionet e intelegjencës dhe sigurisë se Republikë së Kosovës, ajo nuk do ta merrte certifikatën e sigurisë personale dhe rrjedhimisht nuk do të mund të dekretohej si këshilltare e kryeministrit!

Në dokumentin që po ndajë me qytetarët e Republikës së Kosovë, shihet qartë se Ardita Sinani ka një padi për korrupsion pranë gjykatës së lartë të Serbisë në Nish, për skandalin e vjedhjes së mbi 100 mijë eurove nga buxheti i Komunës së Preshevës nga fondi për bujqësi dhe ndërmarrësi.

Sidoqoftë, shpresoj që Qeveria e Republikës se Kosovës nuk i ofron asaj informacione të larta shtetërore sepse do të përfundojnë tek Vulini 100%”.

Kujtojmë që Sinani gjatë ditës së sotme, e krahasoi Shqiprim Arifin me Rrahman Morinën.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme