Sport

Ardian Nuhiu flet para ndeshjes me Ulpianën, tregon synimin e Dritës

Autori: Gazeta inFokus 17:41 | 14 Tetor 2021

Trajneri i skuadrës së Dritës, Ardian Nuhiu, ka dalë në konferencë për media para ndeshjes me Ulpianën, që do të zhvillohet në kuadër të xhiros së nëntë në Superligë, shkruan Gazeta inFokus.

Nuhiu e ka vlerësuar lartë ekipin nga Lipjani, por ka thënë se është momenti që Drita të tregoj të gjitha cilësitë dhe kualitetet që ka.

“Tashmë i gjithë fokusi është te ndeshja e nesërme, kemi përballë një skuadër mirë të organizuar si në aspektin defanziv ashtu edhe në atë ofanziv. Ata kanë gjithmonë një ide për të dalë përpara dhe për të rrezikuar me kundërsulme. Është një skuadër që ka befasuar në kampionatin tonë dhe për këtë duhet të jemi të vëmendshëm e të kujdesshëm. Por, mendoj që është momenti që skuadra jonë të dal dhe të tregoj të gjitha cilësitë dhe kualitetin që kemi”, tha fillimisht Nuhiu.

-Advertisement-

Me pas tekniku shkupjan theksoi se e kanë analizuar mirë kundërshtarin dhe se nesër do të synojnë tre pikë.

“Kemi analizuar kundërshtarin, kemi punuar dhe mendoj që jemi gati për të eliminuar pikat e tyre të forta dhe duke sulmuar pikat e tyre të dobëta që mund të paraqiten nesër, duke synuar të marrim tri pikëshin”, tha Nuhiu.

Ndeshja mes Ulpianës dhe Dritës zhvillohet të premten nga ora 13:00 në stadiumin ‘Sami Kelmendi’ në Lipjan./Gazeta inFokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy