Sport

Ardian Nuhiu flet para ndeshjes me Ballkanin

Autori: Gazeta inFokus 17:23 | 14 September 2021

Trajneri i skuadrës së Dritës, Ardian Nuhiu, ka folur në konferencë për media para ndeshjes me Ballkanin, që zhvillohet të mërkurën, shkruan Gazeta inFokus.

Nuhiu ka thënë se nesër i pret një përballje e fortë, pasi të dy ekipet në dy vitet e fundit kanë zhvilluar ndeshje të mira dhe të forta.

“Nesër na pret një përballje e fortë, takohen dy skuadra të cilat në dy vitet e fundit gjithmonë kanë zhvilluar ndeshje të mira dhe të forta. Kjo për shkak të cilësisë të futbollistëve dhe kualitetit që kanë njëra apo tjetra skuadër si në aspektin individual ashtu edhe në atë grupor. Nuk dyshohet që do të jetë ndeshje e taktizuar si nga njëri apo tjetri trajner, ne sigurisht kemi marrë masat, kemi analizuar kundërshtarin, në repartet apo edhe në aspektin individual dhe ne të gjithë kemi punuar dhe e shohim nesër në lojë se si do të rrjedhë ndeshja”, ka theksuar trajneri Nuhiu.

-Advertisement-

Me pas tekniku shkupjan ka potencuar se skuadra e Dritës gjithmonë kërkon maksimumin.

“Ne si Drita gjithmonë kërkojmë maksimumin. Është vetëm fillimi i kampionatit dhe nuk ka kundërshtar të lehtë, duhet çdo ndeshje të përgatitim në mënyrën më të mirë nëse duam të fitojmë. Do të vazhdojmë kështu. Po e shohim edhe ekipet tjera rivale se sa me vështirësi po shkojnë tek fitorja, edhe për ne ashtu. Është vetëm fillimi i kampionatit, ka disa futbollistë që e kërkojnë formën e tyre, ende nuk janë në maksimumin e tyre, por nga ndeshja në ndeshje duke kërkuar më të mirën nga gjithsecili”, deklaroi Ardian Nuhiu.

Ndeshja mes Dritës dhe Ballkanit zhvillohet të mërkurën nga ora 16:00 në stadiumin e qytetit në Gjilan.

Kjo sfidë i takon xhiros së katërt në elitën e futbollit kosovar./Gazeta inFokus/

Subscribe në YouTube: GAZETA INFOKUSI