Lajme

​Ardhja e opozitarëve serbë në Zveçan, ngjall tensione mes protestuesve

Autori: Gazeta inFokus 13:06 | 20 June 2023

Përfaqësues opozitarë në Serbi, Aleksandar Jovanoviq, lider i Lëvizjes Ekologjike në Serbi, Mirosllav Aleksiq nga Partia Popullore dhe Danijela Nestoroviq, deputete në Parlamentin e Serbisë, kanë vizituar sot protestuesit në Zveçan, të cilët po protestojnë për të 26 ditë kundër prezencës së pjesëtarëve të Policisë së Kosovës dhe kryetarëve shqiptarë në veri.

Prezenca e këtyre opozitarëve ka ngjallur tensione në mes të protestuesve, me ç’rast mbështetësit e Listës serbe dhe ata të opozitës janë sharë e fyer verbalisht, ndërsa ka pasur edhe shtyrje mes tyre, shkruan kp.

Ata thanë para gazetarëve se kanë ardhur këtu për t’u solidarizuar me protestuesit, sepse gjendja e popullatës këtu është e njëjtë sikurse edhe e atyre në Serbi.

-Advertisement-

“Gjendja si në Kosovë është çdokënd edhe në Serbi. Qe 10 vite, nën udhëheqjen e këtij pushteti kjo gjendje është pothuajse kështu, andaj një ditë pushtetarët kanë me dhënë përgjegjësi për këtë”, thanë mes tjerash ata.

Opozitarët pas Zveçanit vazhduan për në veri të Mitrovicës, ndërsa mësohet se do t’i vizitojnë protestuesit edhe në komunat tjera në veri.

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

lajme