Lajme

Arban Abrashi me votat e Pacollit e kalon Shpend Ahmetin në balotazh

Autori: Gazeta inFokus 09:23 | 23 October 2017

Rezultati i zgjedhjeve të djeshme nuk ka përcaktuar fitues të sigurt të garës për Prishtinën edhe pse po prin kryetari aktual i Lëvizjes Vetëvendosje, Shpend Ahmeti me 43,42%.

Ahmeti dhe Lëvizja Vetëvendosje nuk arritën rezultatet e pritura ku sipas tyre Prishtina llogaritej të qeveriset edhe për një mandat në raundin e parë, pra pa balotazh.

Por, si duket numrat e votave edhe pse janë në favor të Shpend Ahmetin, ku diferenca është 5877 vota me shumë se kandidati i dytë në garë, Arban Abrashi i LDK-së, nuk e bënë të sigurt garën për Prishtinën, shkruan portali INFOKUSI.

-Advertisement-

Këto llogaritje mund t’i përmbys kandidati i renditur i tretë në zgjedhjet e djeshme, Selim Pacolli i AKR-së i cili ka arritur t’i marr 8.016 vota.

Një koalicion i mundshëm mes Arban Abrashit të LDK-së dhe Selim Pacollit të AKR-së mund ta përmbys lehtë rezultatin e Shpend Ahmetit të Vetëvendosjes.

Ndryshe, bazuar në rezultatet e publikuara nga Komisioni Qendror i Zgjedhjeve ku votat e Prishtinës janë të numëruara rreth 90,25%, Shpend Ahmeti ka marrë 43,42%, Arban Abrashi 35,91% dhe Selim Pacolli 10,24%.

Debakël në Prishtinë ka pësuar kandidati i PDK-së, Lirak Çelaj me vetëm 4.590 vota ose 5,86%./INFOKUSI

Subscribe në YouTube: GAZETA INFOKUSI