Janë publikuar disa informacione të reja për modelin më të lirë të iPhone që Apple duhet të prezantojë në muajin mars.

A po hyjnë në histori telefonat e serisë SE të Apple? Madje dikur thuhej se kompania mund të hiqte dorë nga zhvillimi i pajisjeve të tilla, por ata ndryshuan mendje dhe brenda pak muajsh do të del në shitje një model i ri i telefonit më të lirë të kësaj kompanie.

Sipas të gjitha thashethemeve të deritanishme, ai mund të jetë telefoni më i popullarizuar i Apple në këtë kategori sepse më në fund sjell një dizajn më modern, një ekran më të madh dhe mbështetje për FaceID, përveç harduerit të fuqishëm që do të mundësojë Apple Intelligence, transmeton Telegrafi.

-Advertisement-

Por me këtë gjeneratë telefonash, duket se emri “SE” me të vërtetë mund të hyjë në histori, dhe se Apple mund të zgjedhë një taktikë të ngjashme me atë që Google po bën me telefonat e saj të serisë Pixel.

Pas prezantimit të modeleve të reja të telefonave Pixel, më pas do të prezantojnë versionin “a” të atyre telefonave, i cili ka ende opsione të shkëlqyera, por edhe një çmim atraktiv që duhet të tërheqë fansat e Android që janë në kërkim të një telefoni të mençur, cilësor dhe të përballueshëm.

Në vend të modelit SE, sipas informacioneve të reja, Apple do të mbajë emrin e gjeneratës së fundit të telefonave të saj dhe do të shtojë shkronjën “e”.

Pra, në vend të iPhone SE 4, iPhone më i lirë në shitje mund të shfaqet si iPhone 16e. Sigurisht, nëse ato thashetheme janë të vërteta, do ta zbulojmë pas disa muajsh kur kompania do ta prezantojë zyrtarisht këtë model.

Sido që të quhet ky telefon duhet të ketë një ekran diagonal 6.1 inç dhe me siguri do të jetë ekran OLED, dhe në vend të butonit Home do të mund të aktivizohet me njohjen e fytyrës.

Kjo do të bëhet e mundur falë teknologjisë FaceID, dhe për shkak të ligjeve evropiane do të ketë një port USB-C dhe një kamerë 48MP.

Derisa modeli aktual në tregun amerikan ka një çmim fillestar prej 429 dollarë, përmendet se çmimi i gjeneratës së re duhet të jetë pak më i lartë, pra me siguri do të shitet me çmim rreth 500 dollarë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-