Auto&Tech

Apple humbet 14 miliardë dollarë, shkak shitjet e dobëta të iPhone X

Autori: Gazeta inFokus 17:33 | 30 January 2018

Apple do të reduktojë sasinë e iPhone X të prodhuara në vetëm 20 milion njësi në tre muajt e parë të 2018-ës raportoi Nikkei duke dërguar aksionet në rënie prej 1.6%.

Raporti shtoi se një prej arsyeve të kësaj lëvizjeje janë shitjet e dobëta të telefonit 999 dollarësh.

Aksionet e Apple ranë në nivelin më të ulët në 2018-ën duke eliminuar 14 miliard dollarë nga vlera e kompanisë.

-Advertisement-

Sipas Nikkei ulja e prodhimit erdhi si rezultat i shitjeve poshtë pritshmërive gjatë sezonit të pushimeve në Evropë, SHBA dhe Kinë.

iPhone X ishte telefoni i parë me një dizajn të ri që nga iPhone 6-ta në 2015-ën.

Disa analistë kanë raportuar shitje të dobëta të iPhone X. Një ankete zbuloi se 37% përdoruesve që kishin planifikuar blerjen e një iPhone, do të blinin një iPhone X.

Telefoni i cili vjen me ekran pa skaje dhe teknologjinë e njohjes së fytyrës, doli në shitje më 3 Nëntor.