Apeli prish aktvendimin e Themelores, e kthen në procedim të sërishëm çështjen e propozimit për masën e sigurisë për banesën kontestuese
Autori: Gazeta inFokus 10:35 | 06 August 2023
Gjykata e Apelit e ka prishur aktvendimin refuzues të Gjykatës Themelore në Prishtinë lidhur me propozimin për caktimin e masës së sigurisë që ka të bëjë me banesën kontestuese mes propozuesit Mehmet Mulaj dhe kundërpropozuesit- ish-ambasadorit të Kosovës në Slloveni dhe njëherësh ish-ministrit të Punëve të Jashtme, Anton Berishaj.
Përmes aktvendimit të 10 korrikut 2023, Apeli e ka aprovuar si të themeltë ankesën e propozuesit Mehmet Mulaj dhe çështjen ia ka kthyer shkallës së parë në procedim të sërishëm, raporton “Betimi për Drejtësi”.
Ndryshe, Gjykata Themelore në Prishtinë me aktgjykimin 12 prillit 2023 ka refuzuar propozimin e propozuesit të sigurimit Mulaj, me të cilin ka kërkuar që t’i ndalohet kundërpropozuesit Berisha ose personave të autorizuar nga ana e tij që palujtëshmërinë kontestuese ta shfrytëzojnë apo të lidhin çfarëdo marrëdhënie juridike, kontratë të ndërrimit, shitblerjes, dhuratës, hipotekës, mbajtjes së përjetshme derisa për këtë çështje të vendos gjykata me aktgjykim të plotfuqishëm.
Në arsyetimin e aktvendimit të Themelores, thuhej se propozuesi nuk e ka bërë të besueshme me provat e dorëzuara ekzistimin e kërkesës apo të drejtës së tij subjektive dhe në këtë mënyrë nuk është plotësuar kushti ligjor për caktimin e masës.
Mirëpo, Apeli nuk ka mundur ta pranojë vlerësimin juridik të Themelores si të rregullt dhe të ligjshëm.
Shkalla e dytë ka theksuar se ekzistimin e të drejtës subjektive gjykata duhet ta vlerësojë në raport me të drejtën e pretenduar sipas kërkesëpadisë për të cilën kërkohet masa e sigurisë.
Ndërsa, në rastin konkret sipas Apelit, gjykata e shkallës së parë nuk e ka vërtetuar gjendjen faktike në mënyrë të drejtë e në këtë rast ka mundur t’i dëgjojë palët ndërgjyqëse dhe nga dëgjimi i palëve të vërtetohet gjendja faktike.
Gjykata Themelore përmes këtij aktvendimi është udhëzuar që t’i këtë parasysh vërejtjet e lartcekura në riprocedurë, si dhe t’i ketë parasysh pretendimet e ankimuara të propozuesit Mulaj.
Ndryshe, sipas padisë së 30 janarit 2023, paditësi Mehmet Mulaj ka ushtruar padi ndaj Anton Berishajt për vërtetimin e pronësisë pasi që në vitin 2017 mes tyre ishte lidhur një marrëveshje gojore lidhur me banesën në “Bregun e Diellit”, me çmimin kontraktues prej 112 mijë euro.
Ndërkaq, thuhet se më 30 shtator 2022 paditësi kishte shkuar nga Zvicra ku dhe jeton, në banesën kontestuese, me ç ‘rast ka vërtetuar se i padituri në mënyrë të dhunshme kishte bërë ndërrimin e çelësit të derës, për çka pasi që kishte biseduar me të paditurin ky i fundit e kishte njoftuar se në vitin 2021 e kishte bartë banesën mbi vete.
Mbi këtë bazë, paditësi po kërkon të vërtetohet se e ka fituar të drejtën e pronësisë në bazë të kontratës gojore dhe pagesës së çmimit për shitblerjen e paluajtëshmërisë dhe të obligohet i padituri që ta bartë banesën në emër të paditësit.
Po ashtu, ka kërkuar edhe që të detyrohet paditësi që t’ia kompensojë shpenzimet e procedurës.
Paditësi, përmes kësaj padie e ka bashkëngjitur edhe propozimin për caktimin e masës së përkohshme të sigurimit dhe t’i ndalohet të paditurit Anton Berishaj lidhja e çfarëdo marrëdhënie juridike, kontratë të ndërtimit, shitblerjes, dhuratës, hipotekës, mbajtjes së përjetshme, qirasë deri në përfundimin e çështjes kryesore.
Të tjera
-
Ambasadori suedez: Ura të hapet në koordinim me banorët lokalë
Ambasadori suedez, Jonas Westerlund në një intervistë për Tëvë1 është shprehu...
-
Hasani: Marrëveshja e Brukselit dhe ankesi i Ohrit rihapin çështjen e statusit të Kosovës
Ish kryetari i Gjykatës Kushtetuese, Enver Hasani në emisonin “Click” në RTV2...
-
I kërkuar ndërkombëtarisht për vrạsje e grạbitje – Policia e arreston 27 vjeçarin në Mitrovicë
Policia e Kosovës, gjegjësisht njësiti (FAST Kosova), me mbështetje të Njësis...
-
Raci: Opozita po e shfrytëzon Kuvendin për fushatë zgjedhore!
Nga pushteti akuzojnë opozitën se po gjen tema qëllimisht tash në prag të fus...
-
Haradinaj habitë me deklaratën: Albini ka ba foto me dronët “Bayraktar”, le të tregon qysh i ka humbë droni
Daut Haradinaj nga Aleanca për Ardhmërinë e Kosovës tha se “90% e pajisjeve u...
-
”Pritet arrestimi i tre ministrave të Albin Kurtit”
“Tre ministra të Qeverisë Kurti pritet të arrestohen”, kështu tha anëtari i K...
-
Daut Haraidnaj: Mimoza dinë qaq shumë për Kurtin, sa mund ta “varrosë” – andaj s’e qorton
Anëtari i Kryesisë së AAK-së, Daut Haradinaj ka folur rreth përgjimeve mes Mi...
-
“Dy krisma të alltisë i kam dëgju”, dëshmitari rrëfen për momentin vrạsjes afër hotelit ku punonte në Dragodan
Besnik Vitija, i cili kishte punuar në hotelin “Adria” kur kishte ndodhur vra...
-
Pacolli: Ka dëshmi që kam biseduar me Radoiçiqin në sy të Kurtit dhe Osmanit
Behgjet Pacolli, kryetari i Aleancës për një Kosovë të Re (AKR), ka thënë se ...
-
Daut Haradinaj me deklaratë të fortë: Ka përgjime më të rënda se këto të Kusarit me Radojçiqin
Anëtari i Kryesisë së Aleancës për Ardhmërinë e Kosovës (AAK), Daut Haradinaj...
-
Selmanaj thotë se Kusari-Lila është në gjendje të rëndë: Asnjë deklaratë nuk e ka të njejtë!
Deputeti i Lidhjes Demokratike të Kosovës, Driton Selmanaj ka komentuar bised...
-
Pacolli: Kam bërë gabim në votën për Qeverinë Kurti, Kosova ka ngecur në shumë fusha
Ish-presidenti Behgjeti Pacolli, duke reflektuar për punën e Qeverisë Kurti p...