Sport

Ancelotti pas barazimit në Mallorca: Humbëm shumë raste, nuk dua justifikim

Autori: Gazeta inFokus 10:52 | 19 August 2024

Për herë të parë që nga viti 2008, Real Madrid nuk fitoi në ndeshjen hapëse të La Liga-s. “Mbretërit” barazuan si mysafir ndaj Mallorca-s (1-1), e ku golin e barazimit për vendasit e shënoi sulmuesi i Kombëtares së Kosovës, Vedat Muriqi.

E këtë barazim e ka komentuar trajneri Carlo Ancelotti, i cili vuri në dukje problemet që shihte në skuadrën e tij.

“E nisëm mirë, patëm një avantazh dhe mundëm të shënonim golin e dytë. Në pjesën e dytë na mungonte ekuilibri, madje mund të kishim humbur. Ne jemi një ekip sulmues, por është e rëndësishme që të jemi po aq të mirë në mbrojtje. Ky ekuilibër është një gjë kyçe”, ka theksuar Ancelotti.

-Advertisement-

Ai tutje ka thënë se përkundër fillimit të kampionatit me barazim, ka parë gjëra të mira te skuadra e tij. “Ne patëm një barazim me Mallorca-n edhe edicionin e kaluar, por në përgjithësi jam i kënaqur me atë që pashë. Mendoj se kemi humbur shumë raste dhe nuk dua justifikime. Duhej të ishim më të vendosur në dëshirën tonë për të fituar. Duhet të nxjerrim mësime, sepse kjo ndeshje na tregoi problemet që kemi”, tha Ancelotti.

Në xhiron e dytë Real Madrid do të presë Valladolidin në “Santiago Bernabeu”.