Sport

Ancelotti: Hysaj i qetë, dëshiron të qëndrojë te Napoli

Autori: Gazeta inFokus 10:08 | 14 January 2019

Carlo Ancelotti i hedh ujë “zjarrit” të ndezur në kampin napolitan rreth të ardhmes së Elseid Hysajt. Në përfundim të takimin me Sassuolon, i vlefshëm për fazën e 1/8-ave të Kupës së Italisë, trajneri i mirënjohur italian rezervoi fjalë pozitive për mbrojtësin shqiptar, duke pranuar gjithsesi se paraqitja e tij kishte disa probleme.

“Hysaj zhvilloi një ndeshje të mirë, me ndonjë gabim apo ndonjë gjë tjetër të bërë shumë mirë”, tha ai.

Po mediet italiane më shumë se për performancën ndaj Sassuolos, ishin të interesuara për të ardhmen e Hysajt. A do të qëndrojë apo jo te Napoli?

-Advertisement-

“Çështja “Hysaj” është menaxhuar shumë mirë. Kemi pasur një takim dhe kemi kuptuar që ai dëshiron të qëndrojë, ndërsa ne e vlerësojmë shumë. Pastaj në një sezon të gjatë mund të kesh ulje-ngritje. Ai dhe menaxheri i tij janë shumë të qetë”, deklaroi ai.

Subscribe në YouTube: GAZETA INFOKUSI