Sport

Ancelotti e di ku është problemi te Reali, tregon se si do të dalë nga kjo krizë

Autori: Gazeta inFokus 14:47 | 07 November 2024

Real Madridi ka pësuar dy humbje radhazi dhe ka kohë që një gjë të tillë nuk i ka ndodhur klubit madrilen.

Los Blancos humbën ndaj rivalit të urryer Barcelonës në kampionat dhe pësuan humbje edhe në Ligën e Kampionëve nga Milan.

Carlo Ancelotti rrezikon ta humbas punën e tij në Santiago Bernabeu, por trajneri italian po shikon para dhe synon që të fitojë gjithë trofetë me Realin këtë edicion.

-Advertisement-

“Ne duhet t’i rregullojmë gjërat dhe të përmirësohemi në mbrojtje, sepse këtu qëndron çelësi”, tha Ancelotti.

“Më duhet të përpiqem të gjej zgjidhje për të vendosur një skuadër më të ekuilibruar dhe më të fortë, por pa u çmendur shumë me shumë ndryshime”.

“Disa detaje të vogla taktike mund të ndryshojnë gjërat. Ne kemi besim se ky ekip do të përmirësohet dhe do të konkurrojë në çdo garë, ashtu siç ka bërë gjithmonë”, u shpreh tekniku italian.

Los Blancos ndeshjen e radhës e zhvillojnë sërish në shtëpi ku presin Osasunën të shtunën me fillim nga ora 14:00, teksa synojnë të rikthehen te fitoret.