Sport

Ancelotti drejt Premier League, por jo te Arsenali

Autori: Gazeta inFokus 13:42 | 13 December 2019

Të martën vonë në mbrëmje nënshkroi divorcin me Napolin, të premten ka nisur bisedimet me Everton.

Carlo Ancelotti nuk humbet asnjë minutë kohë dhe është menjëherë pranë një tjetër stoli në karrierë.

Po përflitet shumë për një marrëveshje me Arsenalin madje avokatët e teknikut kanë kontaktuar me drejtuesit e topçinjve , megjithatë sipas raportimeve të tabloidit “The Sun” është e vërtetë që tekniku nga Regiolo ndodhet në Londër, por për momentin nuk po bisedon me klubin bardhekuq por me Evertonin.

-Advertisement-

Pronari i “The Toffies ” Fahrad Moshiri dhe administratori Bill Kenëright ndodhen në kryeqytetin e Anglisë dhe është zbuluar se kanë nisur negociatat me trajnerin 3 herë fitues të Uefa Champions League.

Më 6 dhjetor klubi nga Liverpooli shkarkoi Marco Silvën pas 18 muajsh dhe është ende në kërkim të një zëvendësuesi ndërsa për momentin skuadra po drejtohet nga ish sulmuesi Duncan Ferguson.

Evertoni aktualisht ndodhet në vendin e-14-të dhe Ancelotti shihet si njeri më i përshtashëm për ta nxjerrë skuadrën nga kriza, për momentin ka vetëm bisedime dhe asnjë marrëveshje edhe pse

Ancelotti duket më i tërhequr nga një aventurë e mundshme me Arsenalin.

Subscribe në YouTube: GAZETA INFOKUSI