Sonte zhvillohet super sfida gjysmëfinale e Kupës së Italisë ndërmjet Lazio dhe Milan, shkruan infokusi.

Pas një barazimi pa gola në San Siro, ekipet tani do të përballen në Romë, ku të dyja skuadrat do të shpresojnë të kalojn në finale për t’u përballur me fituesin e duelit Atalanta – Juventus.

Lazio e ngriti këtë trofe në vitin 2013, kur ata mposhtën rivalët e tyre skuadrën e Romës në finale, ndërsa Milan fitoi Coppa Italia për herë të fundit në vitin 2003.

Betejat kryesore

Ciro Immobile vs Leonardo Bonucci

Ciro Immobile ka gjetur një formë të re në Lazio.  Pas paraqitjeve të pasuksesshme në Borussia Dortmund dhe Sevilla, Immobile ka ndihmuar shqiponjat përsëri të marrin pjesë në Ligën së Kampionëve.

28-vjeçari është golashënuesi më i mirë në Serie A këtë sezon me 23 gola, dhe me pesë gola në tre ndeshjet e fundit, Immobile është në formë të duhur për këtë përballje të Kupës së Italisë.

Megjithatë ai do të ketë kundër një mbrojtje stabile të Milanit e cila ka pranuar vetëm një gol në pesë ndeshje.  Lideri i mbrojtjes së Milanit është Leonardo Bonucci, i cili duket se e ka gjetur  formën e tij të duhur në takimet e fundit të rossonerëve.

Patrick Cutrone vs Stefan de Vrij

Në anën tjetër të fushës, do të ketë një betejë të ngjashme në mes të Patrick Cutrone dhe Stefan de Vrij.

Patrick Cutrone, 20 vjeç, ka shkëlqyer në javët e fundit, pasi ai ka shënuar golin e 14 të sezonit në të gjitha garat. Ai nga mediat italiane po shihet si pasardhësi i  Filippo Inzaghit, i cili do të ketë shumë presion mbi supet e tij.

Me katër gola në pesë ndeshjet e fundit, Cutrone është në një formë të njejtë me atë të Immobile. Në anën tjetër do të jetë mbrojtësi qëndror i Lazios, Stefan de Vrij.  Përballjet do të jenë vërtet të vështira nga të dyja anët e fushës.

Lajmet e ekipit

Martin Caceres vazhdon të shërohet nga lëndimi në gju dhe nuk do të jetë në dispozicion. Bruno Jordao dhe Pedro Neto gjithashtu pësuan lëndime më parë  dhe nuk kanë gjasa të jenë të gatshëm për këtë ndeshje.

Te Milan Andrea Conti do të jetë jashtë skuadrës pas lëndimit të ligamenteve të gjurit.

Formacioni i mundshëm i Lazio: Strakosha, Wallace, de Vrij, Radu, Marusic, Milinkovic-Savic, Lucas, Parolo, Lukaku, Anderson dhe Imobile.

Formacioni i mundshëm i Milanit: G. Donnarumma, Calabria, Bonucci, Romagnoli, Rodriguez, Montolivo, Biglia, Bonaventura, Suso, Cutrone dhe Calhanoglu.

Parashikimi

Shqiponjat nuk kanë fituar asnjë nga pesë ndeshjet e tyre të fundit.

Ndërkohë, Milani vazhdon me rezultate pozitive me një seri prej 12-të ndeshje pa humbje.

Milan  ka fituar vetëm një herë në gjashtë takimet e tyre të fundit në Lazio. Megjithatë, nuk është kjo një gjë e pamundur duke pasur parasysh rekordin më të fundit të Milanit  dhe ringjalljen e tyre me  Gennaro Gattuso. /INFOKUSI.COM

Rezultati final: Lazio 0-1 Milan

Coffee Show B2B në Zagreb nga Devolli Corporation

Sponsoruar