Lajme

Ambasador i rremë, makina me targa diplomatike të falsifikuara – arrestohet mashtruesi në Indi

Autori: Gazeta inFokus 10:36 | 27 July 2025

Një ngjarje e pazakontë ka ndodhur në Indi, ku policia ka arrestuar një burrë që drejtonte një “ambasadë të rreme” nga një ndërtesë banimi me qira, pranë New Delhi-t.

Sipas autoriteteve, i dyshuari Harshvardhan Jain, 47 vjeç, kishte ndërtuar një skemë mashtrimi duke u paraqitur si ambasador dhe duke premtuar punësim jashtë vendit në këmbim të parave.

“Ai ka imituar ambasadorë të shteteve të panjohura si ‘Seborga’ dhe ‘Westarctica’,” ka thënë oficeri i lartë i policisë Sushil Ghule, nga forca speciale e Uttar Pradesh, një shtet në Indinë veriore.

-Advertisement-

Gjatë kontrollit, policia ka sekuestruar automjete me targa diplomatike të falsifikuara, vula të rreme të ministrisë së Jashtme të Indisë, si dhe dokumente me logo dhe simbole të afro 30 shteteve të ndryshme.

Po ashtu, janë gjetur fotografi të manipuluara që e tregonin Jainin me liderë botërorë, të cilat ai i përdorte për të fituar besimin e viktimave.

Jain akuzohet edhe për pastrim parash përmes kompanive fiktive jashtë vendit, si dhe për falsifikim, imitim identiteti dhe posedim dokumentesh të falsifikuara.

Hetimet janë në zhvillim, ndërsa autoritetet po përpiqen të zbulojnë numrin e viktimave që kanë rënë pre e kësaj skeme të sofistikuar mashtruese.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy