Sport

Alves: Pa mua, lojtarët e Barçës nuk do të ishin të lumtur në fushë e as jashtë saj

Autori: Gazeta inFokus 17:55 | 26 November 2018

Ish-mbrojtësi i Barcelonës tani në Paris Saint-Germain, Dani Alves, ka thënë se roli i tij skuadrën e Pep Guardiolës kishte qenë më shumë si një menaxher i pajisjeve sportive, pasi që ai i mbante lojtarët të lumtur.

Alves i ka fituar 39 tituj gjatë karrierës së tij si futbollist, ndër të cilat janë tre tituj të Ligës së Kampionëve, gjashtë tituj të La Ligës, pesë tituj të Copa Del Rey, një titull të Serisë A dhe një titull të Superkupës së Evropës.

Në një intervistë për Sportbible, Alves e ka rikujtuar periudhën kur ai ishte lojtar i Barcelonës dhe stërvitej nga trajneri spanjoll, Pep Guardiola, të cilin e konsideron si një gjeni dhe një ndër trajnerët më të mirë në histori të futbollit.

-Advertisement-

Në fushë, Alves njihej si një ndër mbrojtësit anësor më të mirë në botë mes viteve 2008 dhe 2012, mirëpo ai rrallëherë ishte në qendër të vëmendjes në Camp Nou, pasi që luante në një skuadër me Lionel Messin, Andres Iniestan dhe Xavin.

Megjithatë, Alves pretendon se ai i solli diçka tjetër skuadrës, diçka që paratë nuk mund ta blejnë.

“Shikoni, rolin im në atë skuadër ishte i ngjashëm me një menaxher pajisjesh sportive. Pa mua, ata nuk mund të luanin, as në fushë dhe as jashtë saj. Mendoj se isha përgjegjësi për çmendurinë në skuadrën tonë, për lumturinë dhe shoqërinë”, ka thënë Alves.

Subscribe në YouTube: GAZETA INFOKUSI
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

sport