Sport

Allegri pasues i Wengerit

Autori: Gazeta inFokus 08:17 | 11 March 2018

Trajneri i Juventusit Massimiliano Allegri është gati të pranojë punën te Arsenali nëse Arsene Wenger largohet këtë verë, shkruan The Sun.

Sipas gazetës angleze, trajneri 50-vjeçar nga Livorno ka vizion të qartë për të udhëhequr një skuadër të Ligës Premier dhe mund ta drejtoj gjatë sezonit të ri.

Wenger është në stolin e Gunners pothuajse 22 vite, por gjithnjë është më afër largimit pas një sezoni të keq në ligën elitare angleze.

-Advertisement-

Allegri ka kontratë me Juventusin deri në qershor të vitit 2020, por vazhdon të mësojë gjuhën angleze dhe mbetet në listën e dëshirave të Arsenalit nëse s’do të vazhdojë Wenger.

Bardhezinjtë arritën dy finale të Ligës së Kampionëve në tre vjetët e fundit, ndërsa kanë fituar tituj të Serie A dhe Coppa Italia.

Këtë javë, Allegri impresionoi tifozët anglezë në Wembley, kur Juventusi eliminoi Tottenham Hotspur nga Ligën e Kampionëve pas një rezultati 2-1 në Londër.

Ndryshe, Arsenal sot do të takohet me Watfordin ndërsa Juventusi do të mirëpret Udinesen.