Sport

Albin Tahiri i kënaqur që e përfundoi edhe garën e fundit

Autori: Gazeta inFokus 15:10 | 22 February 2018

Albin Tahiri ka mbyllur garat e tij në Lojërat Olimpike Dimërore PyeongChang 2018. Skitari ynë zuri pozitën 39 nga 108 garues në disiplinën e sllallomit, ku shumë garues u diskualifikuan, shkruan infokusi.

Pas dy lëshimeve Albini pati kohën 2:02.93 sekonda. Në lëshimin e parë garuesi ynë ishte i 48-ti me kohën 1:00.98 sekonda.
Ai u shpreh i kënaqur me rezultatin.

“Sot ishte një garë e vështirë, shumë garues nuk e përfunduan, unë ia dola dhe jam i lumtur për këtë. Vendi 39 nuk është i keq. Krejt çfarë mund të them është se të gjitha garat i përfundova deri në fund dhe ky është një sukses në vete. Të jesh gati çdo ditë në borë është lodhje, andaj ju faleminderit të gjithëve këtu dhe atyre në Kosovë për përkrahjen”, tha Albin Tahiri pas garës.

-Advertisement-

Trajneri i tij, Agim Pupovci, nuk kishte pritur paraqitje të tillë në sllallom, pasi disiplinat më të mirë për Albinin janë disiplinat e shpejta.
“Sot ishte gara e fundit, jemi të kënaqur, na ka befasuar me sllallom, sidomos me lëshimin e parë ku shumë garues nuk e përfunduan. Na ka befasuar për të mirë në disiplinat teknike, pasi më shumë kemi pritur në disiplinat e shpejta”, tha Pupovci.

Medaljen e artë e fitoi suedezi, Andre Myhrer, me kohë 1:38.99 sekonda. E argjendta shkoi për zviceranin, Ramon Zenhauersen (1:39.33 sek), kurse të bronztën e fitoi austriaku, Michael Matt, me kohë 1:39.66 sek.
Kujtojmë që Albini garoi edhe në katër disiplinat tjera si: kombinim alpin (vendi 37), lëshim (50), super sllallom të madh (47), sllallom të madh (56) dhe sllallom (39). /INFOKUSI.COM

Subscribe në YouTube: GAZETA INFOKUSI
Etiketa:
Një vit i suksesshëm përtej pritshmërive
-Advertisement-

Të tjera

Fokusi

sport