Lajme

Albin Kurti uron Turqinë për pavarësinë: Arriti të çlirohej nga shumë fuqi botërore

Autori: Gazeta inFokus 10:14 | 23 April 2020

Urimin për pavarësinë e Turqisë nga Perandoria Osmane, kryeministri në detyrë, Albin Kurti e nisi në gjuhën turke, Bayraminiz kutlu olsun.

Më pas Kurti, e filloi urimin me pak histori duke treguar se si para një shkekulli Turqia ishte e pushtuar nga disa fuqi të mëdha botërore, shkruan gazeta inFokus.

“Një shekull më parë, Turqia ishte e pushtuar prej disa fuqish të mëdha botëore.

-Advertisement-

Duke përfituar prej paaftësisë të perandorisë për ta mbrojtur vetveten, vende të tjera sulmuan për të pushtuar pjesë të mëdha të Turqisë.

Por, për fatin e mirë të Turqisë, të popullit e të miqve të saj, 100 vite më parë, në 23 prill 2020, Mustafa Qemali, Ataturku, midis luftës e shpalli Asamblenë e Madhe Kombëtare, e shkëputi Turqinë prej perandorisë osmane, dhe organizoi luftën për liri e pavarësi, që e fitoi tre vite më vonë, pasi që çliroi pjesët e pushtuara të Turqisë dhe qytetin më të madh e më strategjik, Stambollin.

Prej asaj dite, 23 prilli festohet prej të gjithë turqve, si ditë e sovranitetin kombëtar, dhe si festë e fëmijëve”, ka shkruar Kurti.

Ndërsa, duke i uruar festat, ka thënë që Turqia është vend mik i Kosovës.

“Kosova ka gjetur mbështetje dhe miqësi te Turqia, si vend i rëndësishëm i NATO-s, por edhe si vend mik i shqiptarëve. Po ashtu, Kosova është atdhe i një minoriteti turk, me kontribute të rëndësishme në vendin tonë.

Prandaj, në këtë përvjetor të rëndësishëm, dua ta uroj popullin e Republikës Turke për një shekull sovranitet e parlamentarizëm. Ua uroj këtë datë të gjithë institucioneve të Turqisë, me në krye presidentin Erdogan, siç ua uroj edhe gjithë turqve të Kosovës. Patjetër, ua uroj edhe fëmijëve, meqë në Turqi kjo është edhe festë e fëmijëve.

Gëzuar, për miqësinë e fortë të Kosovës e shqiptarëve me Turqinë”./Gazeta inFokus/

Subscribe në YouTube: GAZETA INFOKUSI

Të tjera

Fokusi

lajme