Lajme

Albin Kurti përkujton aleatin e Bashkimit Sovjetik të cilin e luftuan SHBA-të

Autori: Gazeta inFokus 15:05 | 12 September 2023

Kryeministri i Kosovës, Albin Kurti, të hënën ka përkujtuar ish-presidentin e Kilit, Salvador Allende në 50-vjetorin e vdekjes së tij, shkruan Gazeta Infokus.

Përmes një postimi në platformën “X”, ai ka thënë Allende vdiq heroikisht nga një grusht shtet që  çoi në zhdukjen e mijëra njerëzve.

“Sot ne nderojmë Salvador Allende, i cili vdiq heroikisht 50 vjet më parë në një grusht shteti brutal që çoi në zhdukjen e mijëra njerëzve. Të zhdukurit përfaqësojnë trashëgiminë e tmerrshme të botës, por edhe detyrën solemne – që të bëjmë gjithçka që mundemi për t’i afruar ata që lanë pas”, ka shkruar Kurti.

-Advertisement-

Allende ishte president i një prej shteteve të Amerikës Latine që pas Luftës së Dytë Botërore e deri në vitet 1990 mbështetej nga regjimi komunist i Bashkimit Sovjetik, regjim ky që luftohej nga Shtetet e Bashkuara të Amerikës.

Salvador Allende ishte një politikan i cili ndoqi një linjë politike të majtë dhe ishte një kritik i ndikimit të fuqive të mëdha perëndimore në Amerikën Latine. Ai pati lidhje dhe bashkëpunim me vende të tjera me orientim socialist dhe komunist në botë, si Kuba dhe atëherë Bashkimi Sovjetik. Disa vlerësojnë që ai ka ndihmuar në zgjerimin e ndikimit të lëvizjeve të majta në Amerikën Latine, ndërsa të tjerë e kritikojnë për këtë arsye dhe për shkak të politikave të tij të ndryshimit shoqëror dhe ekonomik që konsideroheshin të kundërshtuara nga Shtetet e Bashkuara dhe fuqitë perëndimore.

Kujtojmë se i pari i qeverisë, Albin Kurti, kohëve të fundit ka marrë akuza të ashpra nga opozita për prishje të aleancave me SHBA-të./Gazeta Infokus/

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme