Lajme

Alarmante: ‘Balena blue’ mbërrin edhe në Kosovë, dy raste në Gjilan

Autori: Gazeta inFokus 20:59 | 15 June 2017

Loja famëkeqe Balena Blue, tashmë ka mbërritur edhe në Kosovë.

Kjo lojë tragjike e cila po qon drejt vdekjes shumë fëmijë në vende të ndryshme të botës tashmë po kërcënon edhe fëmijët tanë.

Dy raste janë lajmëruar në redaksinë e Gazetës Monitor.
Bëhet fjalë për dy fëmijë nga Gjilani të cilët janë nxënës të klasës së tretë në shkollën “Abaz Ajeti”.

-Advertisement-

Një vajze i është kërkuar që me thikë ta shkruaj në krahë Balena Blu. Kurse edhe më i rrezikshme është kërkesa që i është bërë një fëmije tjetër të cilit i është kërkuar që t’i pres më thikë prindërit gjatë natës.

Ndryshe sot gjatë ditës Policia e Kosovës ka njoftuar se ende nuk ka ndonjë rast të lojës vetëvrasëse, “Balena Blue” në Kosovë.

Megjithatë janë dhënë instruksionet se si duhet të veprohet në rast se ka ndonjë rast në vendin tonë.

Subscribe në YouTube: GAZETA INFOKUSI