I akuzuari për vrasje në tentativë bëhet fqinj me të dëmtuarin!
Autori: Gazeta inFokus 10:27 | 05 September 2017
Nazmi Bega që sipas aktakuzës tentoi ta vrasë Edison Bytyqin ka blerë një objekt në mezhdë me të dëmtuarin.
Edison Bytyqi, të cilin sipas aktakuzës tentoi ta vrasë Nazmi Bega, u ankua në gjykatë se i akuzuari ka blerë një objekt ngjitur me pronën e tij.
“Po ndihem i rrezikuar sepse në mezhde me mua e ka blerë një objekt dhe moralisht kur je në bela me dikë i qëndron sa më larg dhe ai ka ardhur në një objekt ngjit me mua “, tha Bytyqi.
Bytyqi këtë informatë e tregoi gjatë shqyrtimit të ankesës së tij në Gjykatën e Apelit, ndaj dënimit që më parë iu shqiptua Begës.
Bytyqi kërkon dënim më të lartë për Begën, ndërsa gjithashtu edhe Bega është ankuar në Apel duke kërkuar lirimin e tij.
Isuf Bytyqi, avokati i Edison Bytyqit, tha se Bega e ka kryer me dashje vrasjen në tentativë- veprën për të cilën akuzohet.
“Nazmi Bega e deshti veprën dhe tentoi që ta çojë deri në fund ndaj klientit tim”, tha avokati Bytyqi.
Avokati i të akuzuarit Bega, Bajram Tmava, tha që ankesa e palës së dëmtuar është e palejuar, sepse ata mund të ankohen vetëm mbi lartësinë e dënimit, por jo edhe ndaj gjendjes faktike apo dashjes.
Tmava në ankesën e tij tha se atij do t’i mbesin disa dilema profesionale lidhur me këtë rast.
“Pse policia nuk e ka sjellë asnjëherë briskun në gjykatë? Dokumentacioni mjekësor nuk është në dosje, ndërsa nuk është qartësuar se cili ka qenë motivi i të mbrojturit tim që ka qenë atë natë aty”, tha Tmava.
I akuzuari Bega mbështeti avokatin e tij teksa deklaroi pafajësinë duke e quajtur të dëmtuarin si dëshmitar.
Gjykata Themelore ne Ferizaj në mars të këtij viti e kishte gjetur fajtor dhe dënuar me 3 vjet burg Nazmi Begën nën akuzën e veprës vrasja në tentativë.
Sipas aktakuzës së Prokurorisë Themelore në Ferizaj, Bega më datën 25 gusht 2015 rreth orës 23 e 15 në Ferizaj ka tentuar ta privojë nga jeta të dëmtuarin Edison Bytyqi, ndërsa sipas prokurorisë motivi i kësaj ngjarje ishte një borxh prej 5 mijë eurove.
Lidhur me këtë rast Gjykata e Apelit do të vendosë jashtë shqyrtimit gjyqësor./Kallxo.com
Të tjera
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...
-
Hoxhaj: Qytetarët që menduan se me Kurtin vjen ndryshimi, ta korrigjojnë atë – ta shohin PDK-në si adresë politike
Nënkryetari i kuvendit nga radhët e PDK-së, Enver Hoxhaj, ka thënë se nëse qy...
-
Gjeneral Jashari: FSK mbështet Ukrainën në përballje me agresionin e Rusisë
Komandanti i Forcës së Sigurisë së Kosovës, gjenerallejtënant Bashkim Jashari...
-
Kurti pritet nga Baerbock, kërkon mbështetjen gjermane deri në anëtarësimin e Kosovës në KiE
Kryeministri i Kosovës, Albin Kurti, është pritur në takim nga Ministrja e Ja...
-
Dalja e shqiptarëve në zgjedhje në Maqedoninë e Veriut shënon rënie
Dalja e shqiptarëve në zgjedhjet presidenciale të 24 prillit në Maqedoninë e ...
-
Tejkaloi shpejtësinë e lëvizjes, gjobitet me 300 euro
Policia e Kosovës njofton se njësia për kontroll të autostradave, në zonën ku...
-
Gjermania e bindur se Brukseli do të ecën drejt heqjes së sanksioneve pas votimeve në veri
Me organizimin e procesit të votimit për shkarkim ose jo të kryetarëve aktual...