Lajme

Aksioni në Tiranë, bllokohen 12 makina luksoze dhe 5 motora të trafikuar, ja çfarë rrezikojnë 17 pronarët

Autori: Gazeta inFokus 14:47 | 28 August 2017

Policia e Tiranës në kuadër të operacionit “Summer 2017”, ka sekuestruar 12 automjete luksoze dhe 5 motomjete të dyshuara të trafikuara, ndërsa ka procedohen penalisht 17 shtetas.

Drejtoria Vendore e Policisë në Tiranë në kuadër të prioriteteve për parandalimin, evidentimin dhe goditjen e paligjshmërisë, një tjetër operacion është organizuar dhe zhvilluar për bllokimin e automjeteve motorike të trafikuara në Republikën e Shqipërisë nga vendet e BE-së.

Blutë njoftojnë se gjatë operacionit janë sekuestruar në cilësinë e provës materiale 12 automjete luksoze dhe 5 motomjete të dyshura të trafikuara dhe të falsifikuar numrin e shasisë.

-Advertisement-

Mjetet e bllokuara janë të markave të ndryshme:

1 – Mercedes Benz, E Class
2 – Mercedes Benz, S Class
3 – Mercedes Benz, ML
4 – Audi, A8
5 – BMW, X5
6 – BMW, X6
7 – BMW, X6
8 – BMW, X6
9 – Range Rover, Sport
10- Range Rover, Sport
11- Range Rover, evoque
12- Toyota, Avensis
13- Yamaha, T-Max
14- Yamaha, T-Max
15- Suzuki, GSXR 750
16- Aprilia, Scarabeo
17- Aprilia, Scarabeo

Këto mjete, dyshohet të jenë trafikuar nga vendet e BE-së në Republikën e Shqipërisë.

Në vijim të veprimeve janë proceduar penalisht 17 shtetas, për “Trafikim të mjeteve motorike”.

Materialet proceduriale i kaluan Prokurorisë pranë Gjykatës së Shkallës së Parë Tiranë, për veprën penale “Trafikimi i mjeteve motorike”, parashikuar nga Neni 141/a i Kodit Penal.

Subscribe në YouTube: GAZETA INFOKUSI