Një aksident trafiku ka ndodhur sot rreth orës 10:35 minuta në fshatin Peran të Podujevës, raporton Llapi.info.
Sipas dëshmitarëve të rastit nga ky aksident janë lënduar rëndë dy persona. Për të mësuar gjendjen e tyre shëndetësore Llapi.info ka kontaktuar me mjekun kujdestar në Emergjencën e Podujevës mirëpo ai nuk ka dhënë informacione për këtë rast.
Siç shihet edhe në video aksidenti ka ndodhur në mes dy veturave me ç’rast njëra prej tyre ka përfunduar në arat e këtij fshati.
Nga ndodhja e këtij aksidenti është krijuar edhe kolona e cila siç shihet në fotografi është më e gjatë se 20 metra./Llapi.info
