Lajme

AKI deklarohet për arrestimin e ish-punonjësit nën dyshimet për zbulimin e informacioneve që rrezikuan sigurinë e vendit

Autori: Gazeta inFokus 16:11 | 21 October 2021

Prokuroria Themelore e Prishtinës njoftoi sot për arrestimin e një ish-punonjësi të Agjencisë së Kosovës për Inteligjencë (AKI), nën dyshimet për zbulimin e informacioneve që kanë rrezikuar sigurinë e vendit. Bëhet fjalë për personin me inicialet M.K.

Duke rikonfimuar arrestimin e M.K., AKI njofton se “në kuadër të kompetencave të saj sipas Ligjit Nr. 03/L-063, Nenin 2 dhe Nenin 10, ka përfunduar procedurat e brendshme ndaj personit M.K dhe në përputhje me Nenin 25.2 të Ligjit për AKI ka njoftuar Prokurorin publik kompetent”.

Njoftimi i plotë i AKI-së:

-Advertisement-

Agjencia e Kosovës për Inteligjencë (AKI) konfirmon njoftimin e lëshuar nga Prokuroria Themelore në Prishtinë, më datën 21.10.2021 lidhur me arrestimin e personit M.K.

AKI, në kuadër të kompetencave të saj sipas Ligjit Nr. 03/L-063, Nenin 2 dhe Nenin 10, ka përfunduar procedurat e brendshme ndaj personit M.K dhe në përputhje me Nenin 25.2 të Ligjit për AKI ka njoftuar Prokurorin publik kompetent.

Pavarësisht se nga kush cenohet siguria e Republikës së Kosovës, AKI mbetet e përkushtuar në zbatimin e mandatit dhe kompetencave të saj kushtetuese dhe ligjore, si dhe në përmbushjen e detyrave në shërbim të sigurisë së Republikës së Kosovës.

Subscribe në YouTube: GAZETA INFOKUSI