Sport

Ajax Harron humbjen në Champion League

Autori: Gazeta inFokus 11:53 | 13 May 2019

Ajaksi e harroi eliminimin e dhimbshëm në minutën e 95 nga Tottenhami në gjysmëfinalen e Ligës së Kampioneve duke fituar titullin kampion në Holandë duke plotësuar dopietën sezonale pasi më parë fitoi edhe Kupën e Holandës.

Skuadra e Ten Hag fitoi bindshëm ndaj Utrehtit 4-1 në ndeshjen e javës së parafundit të kampionatit, një fitore që u shoqërua edhe me humbjen e PSV Eindhoven 1-0 ndaj Alkmarit.

Kur ka mbetur edhe 1 javë nga fundi i ligës holandeze, Ajaxi ka një avantazh prej 3 pikësh kundrejt PSV, por me një golavarazh shumë më të mirë se kjo e fundit.

-Advertisement-

Kjo u jep të drejtën ‘Harkëtarëve’ që të festojnë si në fushën e lojës ashtu edhe në qytetin e Amsterdamit së bashku me mijëra tifozë.

Subscribe në YouTube: GAZETA INFOKUSI