Lajme

Ahmeti: Të aktivizohen shtabet e krizave, vendi mund të goditet nga përmbytje

Autori: Gazeta inFokus 14:57 | 16 August 2018

Tahir Ahmeti, njohës i çështjeve të emergjencave dhe njëherësh bashkëthemelues i Qendrës Kërkimore për Politika të Sigurisë (SPRC), ka reaguar pas përmbytjeve në Suharekë.

Ahmeti përmes një postimi në facebook ka shkruar se kryetarët e komunave në bashkëpunim me agjencinë për menaxhimin e emergjencave duhet ti vënë në dispozicion të gjitha resurset, dhe ti aktivizojnë shtabet e krizave.

Ai gjithashtu ka shkruar përmbytet janë duke i goditur vazhdimisht vendet e rajonit dhe me këtë situatë do të përballet edhe Kosova.

-Advertisement-

Lexo edhe: Vërshohet Suhareka (Foto)

Më poshtë mund të gjeni të plotë postimin.

“Çështja e përmbytjeve apo e vërshimeve sidomos atyre të shpejta është një dukuri e cila çdo ditë e më shumë është duke i goditur vendet e ndryshme të botes dhe të rajonit, dhe siç po shihet as vendi ynë nuk mund të ketë përjashtim nga këto situata.
Pas përmbytjeve, në vise të ndryshme të Kosovës,(gjendje më e rëndë në komunën e Suharekës), kryetarët e komunave në bashkëpunim me agjencinë për menaxhimin e emergjencave (AME), duhet ti vënë në dispozicion të gjitha resurset, dhe ti aktivizojnë shtabet e krizave, në mënyrë që tu dilet në ndihmë popullatës së prekur nga këto përmbytje.”

Subscribe në YouTube: GAZETA INFOKUSI