Lajme

Agon Maliqi: Propozimi që e refuzoi Kurti, automatikisht hiqte fusnotën dhe zhbënte strukturat e Serbisë në Kosovë

Autori: Gazeta inFokus 16:04 | 15 September 2023

Publicisti Agon Maliqi ka shpërndarë dokumentin e propozuar nga Bashkimi Evropian në takimin e së enjtes mes kryeministrit Albin Kurti, presidentit serb Aleksandar Vuçiq dhe dy ndërmjetësve të BE-së.

Maliqi ka thënë se, sipas dokumentit të propozuar, Kosova, paralelisht me krijimin e “vetëmenaxhimit” të serbëve do të fitonte njohjen e dokumenteve dhe simboleve shtetërore mes Serbinë.

“Parelelisht me KRIJIMIN e ‘vetëmenaxhimit’ zhbëhen strukturat e Serbisë në Kosovë dhe bëhet njohja e dokumenteve dhe simboleve shtetërore. Miratohet plani i veprimit për zbatimin e marrëveshjeve paraprake dhe nga Kosova FORMALIZOHET statusi i kishës. Si rezultat i kësaj shkëmbehen misionet diplomatike dhe Serbia nuk e konteston anëtarësimin e Kosovës në ASNJË organizatë ndërkombëtare“, ka thënë ai.

-Advertisement-

Në propozimin e BE-së, kërkohet që të fillohet menjëherë me procesin e negociatave për Statutin e instrumentit të vetëmenaxhimit të serbëve të Kosovës , ndërkohë që krahas kësaj Serbia nuk insiston në përdorimin e fusnotës dhe që UNMIK të përfaqësojë Kosovën në nisma rajonale. Më pas kërkohet finalizimi i negociatave për statutin e Asociacionit.

Tutje sipas propozimit të BE-së duhet vazhduar me nenin 3, ku palët nuk intervenojnë në punët e brendshme të secilës palë dhe përmbahen nga çfarëdo forme e dhunës dhe akti të kërcënimit me dhunë.

Pastaj kërkohet të vazhdohet me themelimin e Asociacionit dhe paralelisht duhet të shuhet strukturat paralele të Serbisë në Kosovë dhe tranzicioni i tyre, i përshtatshëm, nën instrumentin e vetmenaxhmit për serbët e Kosovës.

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme