Rozë

Adele, më e pasura mes të rinjve britanikë nën 30 vjeç

Autori: Gazeta inFokus 13:41 | 30 October 2018

Me gati 170 milionë euro, Adele ka fituar edhe për vitin 2018, titullin e ‘yllit’ më të pasur nën 30 vjeç në Mbretërinë e Bashkuar. Këngëtarja e “Hello”, mban pozicionin e saj në krye të renditjes së hartuar nga revista “Heat” për të tretin vit radhazi. Nga ana tjetër, Ed Sheeran dhe Daniel Radcliffe janë renditur respektivisht në vend të dytë dhe të tretë.

Pavarësisht profilit të ulët që mbajti deri në fund të turneut botëror verën e kaluar dhe asnjë album të ri të publikuar, Adele ka arritur të fitojë jo pak të ardhura: në vitin 2017, pati të ardhura bruto më shumë se 10 milionë euro nga shitjet rekord të albumeve, ndërsa në turne arriti të kapë shumën e 47 milione eurove.

Ed Sheeran, ndërkohë u ngrit në vendin e dytë nga pozita e tretë të vitit 2017. Këngëtari 27-vjeçar ka parë të rrisë pasurinë e tij nga 65 milionë euro në vitin 2017, për 105 milionë dhe në sajë të fitimeve të larta nga albumi e tij të tretë (6 milionë kopje të shitura dhe të numëruara) dhe shitjen e biletave për turneun e tij botëror, ku fitoi mbi dy milionë euro.

-Advertisement-

Daniel Radcliffe arrin në vendin e tretë për herë të parë, me një pasuri prej rreth 97 milionë euro, shumica e të cilave janë akumuluar për shkak të personazhit të tij në sagën “Harry Potter”.

Lista e plotë e pasanikëve të rinj britanikë

1. Adele, 30,
2. Ed Sheeran, 27,
3. Daniel Radcliffe, 29,
4. Harry Styles, 24,
5. Emma Watson, 28,
6. Little Mix
7. Niall Horan, 25,
8. Louis Tomlinson, 26,
9. Liam Payne, 25,
10. Zayn Malik, 25,
11. Rupert Grint, 30,
12. Sam Smith, 26,
13. Aaron Taylor-Johnson, 28,
14. Cara Delevingne, 26,
15. Winston Marshall, 30,
16. Rita Ora, 27,
17. Jessie J, 30,
18. The xx
19. Jack Whitehall, 30,
20. Nicholas Hoult, 28