Lajme

Abdixhiku në Suharekë: Për keqpërdoruesit e pushtetit kam vetëm një mesazh, ndryshimi i madh po vjen

Autori: Gazeta inFokus 18:55 | 27 November 2024

Kryetari i Lidhjes Demokratike të Kosovës, Lumir Abdixhiku, tha se qytetarët e kanë mundësinë që më 9 shkurt të vitit të ardhshëm, të zgjedhin për ndryshimin që e meritojnë.

Nga ‘Turneu e Ndryshimit’ që u mbajtë në Suharekë, Abdixhiku tha se qytetarët duhet të zgjedhin për për mësuesit, mjekët, punëtorët e shërbyesin që marrin lëmoshë dhe s’ka kush t’i dëgjojë.

“Është koha të zgjedhni për ushtarët e policët që ja dalin vet në përballje me terroristë, por nuk ja dalin dot në përballje me përditshmërinë – prandaj dhe duhet të protestojnë. Ushtarë e policë në protestë – këtë pamje s’mund ta pranojmë, s’do ta pranojmë, s’do ta tolerojmë”, tha Abdixhiku.

-Advertisement-

Ai tha se po ashtu se “është koha të zgjedhni për ata bujq, që nuk kanë motra e vëllezër në Ministri për t’i marrë grantet nga 100 mijë”.

“Për keqpërdoruesit e pushtetit kam vetëm një mesazh! Ndryshimi po vjen! Do t’i ktheni paratë cent më cent! Do të ndiqeni penalisht për secilin veprim korruptiv; nga buka e bujqve tek mafia energjetike, nga rezervat shtetërore tek kontratat njëburimore! Ndryshimi po vjen! Për ata që mashtrojnë e keqpërdorojnë nuk ka shpëtim”, tha Abdixhiku.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme