Lajme

Abdixhiku: Në Kosovë po rrezikohen fondamentet e demokracisë

Autori: Gazeta inFokus 18:05 | 11 July 2023

Kryetari i  Lidhjes Demokratike të Kosovës, Lumir Abdixhiku është takuar sot me përfaqësuesit 20 organizatave kryesore në vend ku kanë diskutuar për zhvillimet në vend.

“Të njëjtit i falënderoj për të gjitha diskutimet gati tre orëshe, mbi gjendjen aktuale në vend dhe rrugën përpara që kjo shoqëri duhet ta gjejë”, ka shkrua.

Përmes një postimi në Facebook, Abdixhiku thotë se diskutimet e sugjerimiet e tyre ishin jo vetëm të drejta, por edhe përmbajtësore.

-Advertisement-

“Ato pasuruan orientimet tona që i prezantuam aty; ato pasuruan dhe pikëpamjet tona për rrugën në vijim”, shkroi Abdixhiku.

“Për bindjet tona, vendit tonë, shoqërisë sonë, i duhet përbashkimi i ideve që në thelb ruajnë fundamentet e shtetësisë sonë. Ruajnë demokracinë, mendimin e lirë e orientimin euroatlantik si projekt i pandryshueshëm i Republikës. Tani që këto fundamente po rrezikohen pariparueshëm, mosveprimi është anim”.

I pari i LDK-së ka shprehur kënaqësinë për pjesëmarrjen e anëtarëve nga shoqëria civile në këto konsultime.

“Përveç se i lumtur dhe mirënjohës për përgjigjet pozitive ndaj iniciaitvës sonë konsultative, jam dhe i lumtur për masën kritike që ky vend mund ta ndërtojë”.

Ai ka paralajmëruar se dy takimet e ardhshme janë me ligjëruesit universitarë e diplomatë; sikurse dhe me sektorin privat.

Subscribe në YouTube: GAZETA INFOKUSI
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme