Lajme

Abazoviq i shtrin dorën e bashkëpunimit Serbisë: Vizitën e parë do ta kem në Beograd

Autori: Gazeta inFokus 23:31 | 08 June 2022

Kryeministri i Malit të Zi, Dritan Abazoviq ka thënë se vizita e tij e parë si kryeminsitër do të jetë në Beograd, gjë e cila sipas tij, tregon se një kohë më e mirë bashkëpunimi mes dy shteteve, po vjen.

Abazoviq, duke folur për agjencinë serbe të lajmeve Tanjug, ka thënë se Mali i Zi është i interesuar për bashkëpunim. Ai ka thënë se dora e tij është e shtrirë për këtë qëllim.

Kryeministri i ri malazez ka thënë se do të jap lajme pozitive nga Beogradi, kur është pyetur nga agjencia shtetërore serbe nëse Mali i Zi do t’i bashkohet përfundimisht Ballkanit të Hapur, transmeton Gazeta Express.

-Advertisement-

Abazoviq, që ka marrë pjesë si vëzhgues në samitin e sotshëm të Ballkanit të Hapur në Ohër të Maqedonisë së Veriut, ka thënë se kjo nismë është “definitivisht fytyra e re” e Ballkanit Perëndimor.

“Të gjitha temat e shtjelluara janë ekskluzivisht të lidhura me standardet e jetës për qytetarët, qoftë transporti i lirë, agrikultura, energjia, turizmi, krizat si dhe projektet e mëdha infrastrukturore… kjo është përfundimisht një kthesë e madhe”, ka thënë Abazoviq.

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

lajme