Gazeta Infokus ka raportuar sot se zëvendës guvernatorja e Bankës Qendrore të Kosovës, Nora Latifi – Jashari, ka dhënë dorëheqje.

Mirëpo ani pse kjo ka ndodhur qysh të premten e javës së kaluar BQK-ja nuk ka njoftuar publikisht për këtë dorëheqje. Megjithatë ata e kanë larguar emrin e saj nga faqja zyrtare e BQK-së te pjesa e bordit ekzekutiv ku janë të vendosur emrat e Zëvendës guvernatorëve.

Në këtë pjesë ku theksohet se Banka Qendrore duhet të ketë dy zv. Guvernatorë ka mbetur vetëm emri i  Nexhat Kryeziut i cili po ashtu aktualisht është UD Zëvendësguvernator për Mbikëqyrje.

-Advertisement-

Mirëpo kjo nuk u bë publike nga BQK-ja dhe nuk u njoftua publikisht për dorëheqjen e saj. Gazeta InfokuS ka provuar qysh nga mëngjesi që të marrë një përgjigje edhe nga ky institucion në lidhje me dorëheqjen e Zv. Guvernatores mirëpo nuk kanë qenë të qasshëm.

Çfarë po ndodhë në BQK? Jep dorëheqje zëvendës guvernatorja

Gazeta Infokus ka kontaktuar edhe me Nora Latifi – Jasharin, por e njëjta deri në këto momente nuk e ka hapur telefonin.
Ndërsa dorëheqjen e saj pas vetëm një muaj e gjysmë për Gazetën Infokus e ka komentuar, ekonomisti, Safet Gerxhaliu i cili ka thënë se eksperimentimi me Bankën Qendrore në kohë krize është rreziku më i madh që mund ti bëhet një shteti.

“Ky eksperiment do ti kushtojë Kosovës dhe besoj largimi i zv. Guvernatores pas një muaj e gjysmë duhet të jetë një alarm që duhet të mobilizojë të gjithë dhe të vlerësohet puna profesionale e  BQK-së në të kaluarën një punë e pranuar nga Banka Botërore nga Fondi Monetar Ndërkombëtar nga Komisioni Evropian përmes raportit të progresit dhe në këtë drejtim besoj që duhet të trajtohet me seriozitet kjo çështje. Unë besoj që infiltrimet politike tani në BQK po vërehen çdo ditë e më tepër dhe fakti që nuk ka guvernator është e para dhe vetë fakti që sot i ke dy borde që menaxhohen nga të njëjtit njerëz është e dyta dhe në këtë drejtim ajo çka dëshmohet është mungesa e një profesionalizimi. Mungesa e një guximi profesional sepse politika dhe ekonomia janë dy pore dhe në këtë drejtim besoj ky duhet të jetë alarmi që duhet të provokojë institucionet dhe për Bankën Qendrore të bëjë me tepër. Po e them me përgjegjësi profesionale sa i duhet sot Kosova”, ka thënë ai./Gazeta Infokus/

Dorëheqja e zv. Guvernatores pas një muaji “alarmante për shtetin”, çfarë po ndodhë me BQK-në?

 

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-