A mund të lirohet Gucati nga Haga?
Autori: Gazeta inFokus 10:19 | 07 April 2021
Kreu i Organizatës së Veteranëve të Luftës, Hysni Gucati, mund të lirohet nga paraburgimi. Kështu të paktën po kërkon avokati i tij, Jonathan Rees, i cili po konsideron se tanimë të gjitha arsyet për mbajtjen në ndalim të Gucatit kanë pushuar.
Vetëm katër faqe parashtresë, prej të cilave dy me argumente janë dërguar në Gjykatë nga avokati i Hysni Gucatit, Jonathan Rees. Kjo për shkak se Rees tanimë as nuk e sheh të nevojshme të argumentohet më gjerë për lirimin e Gucatit nga Haga, pasi që ai pretendon se të gjitha arsyet për ta mbajtur atë në paraburgim kanë pushuar, shkruan lajmi.net.
Ai në parashtresat e tij ka thënë se se sa më gjatë një person të mbahet në paraburgim, aq më e madhe është barra mbi Dhomat e Specializuara për të justifikuar vazhdimin e paraburgimit, shkruan lajmi.net.
“Mbrojtja përsërit se sa më gjatë që personi të mbetet në paraburgim, aq më e madhe është barra për Dhomat e Specializuara për të justifikuar vazhdimin e paraburgimit. Supozimi i qartë është në favor të të akuzuarit të jetë në liri. Paraburgimi mund të zgjatet vetëm (i) kur kushtet e rrepta të Nenit 41 (6) të Ligjit vazhdojnë të plotësohen dhe (paraburgimi mbetet rreptësisht i domosdoshëm dhe proporcional duke konsideruar nëse masa të tjera më pak të rrepta sesa paraburgimi mund të ishin të mjaftueshme”, thuhet në parashtresën e Rees.
Në këtë kontekst, Rees ka thënë se provat apo arsyetimet për mbajtjen e Gucatit në paraburgim kanë qenë të njëjtat që nga fillimi, dhe nuk ka pasur argumentime tjera që mund ta plotësonin kushtin për vazhdimin e mbajtjes, shkruan lajmi.net.
“Sidoqoftë, ZPS tani e ka bërë të qartë se, në gjykim, nuk do, dhe nuk mund, të prodhojë në provë një dokument të vetëm për të cilin ata pretendojnë se Z. Gucati ishte përgjegjës për shpërndarjen, i cili nuk ishte tashmë në domenin publik”, thuhet tutje në pretendimin e Rees.
Sa i përket frikësimit të dëshmitarëve, argument ky kryesor i Prokurorisë për mbajtjen në paraburgim të Gucatit, mbrojtja thotë se tanimë ZPS e ka bërë të qartë se në gjyq nuk do dhe nuk mund ta thërras asnjë dëshmitar që do të dëshmonte se ata ishin frikësuar apo kërcënuar nga veprimet e Gucatit.
“Më tej, ZPS-së gjithashtu e ka bërë të qartë se, në gjyq, nuk do, dhe nuk mund, të thërrasë një dëshmitar të vetëm për të thënë shmangien që ata ishin kërcënuar ose frikësuar, ose se ata ishin përballur me pasoja të tjera serioze, si rezultat i veprimeve të zotit Gucati”, ka thënë tutje avokati Rees.
Tutje, avokati Rees ka potencuar se ndalimi në paraburgim i Gucatit nuk mund të konsiderohet më i domosdoshëm dhe proporcional për ndonjë arsye, dhe se lirimi i tij duhet të urdhërohet menjëherë, me apo pa kushte.
“Në dritën e pozicionit të sqaruar të ZPS-së siç është dhënë më lart, pohohet që ndalimi i vazhdueshëm i Gucati nuk mund të konsiderohet më si i domosdoshëm dhe proporcional, dhe se lirimi duhet të urdhërohet menjëherë, me ose pa ndonjë nga kushtet e propozuara më pare”, ka thënë ai, shkruan tutje lajmi.net.
Pasë parasysh argumentimet si më lartë të mbrojtjes, kërkesë e vetme e avokatit është lirimi i menjëhershëm nga paraburgimi i Gucatit.
Për këtë çështje, Gjykatësi Francez i procedurës paraprake, Nicollas Guillou, pritet të marrë një vendim në ditët në vijim.
Të tjera
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...