Fun & Video

A ka telashe mes Neymarit dhe Mbappes? Kjo është përgjigja e Pochettinos

Autori: Gazeta inFokus 22:50 | 27 September 2021

Maurico Pochettino ka folur për mospajtimet mes Neymarit dhe Kylian Mbappes, shkruan Gazeta inFokus.

Mbappe u pa duke u ankuar te Idrissa Gueye, duke i thënë për Neymarin se nuk po ia pason topin, pasi u zëvendësua në ndeshjen ndaj Montpellier të shtunën.

Sipas teknikut argjentinas gjëra të tilla mund të ndodhin, pasi gjithmonë ka zhvillime të tilla mes top lojtarëve.

-Advertisement-

“Ata janë djem fantastik. Këto gjëra mund të ndodhin. Ka gjithmonë zhvillime mes top lojtarëve. Ata janë garues që dëshirojnë të fitojnë dhe të ndihmojnë ekipin të arrijë”, tha Pochettino.

Me pas trajneri i PSG-së tregoi se ka biseduar me të dy futbollistët.

“Unë kam biseduar me ta individualisht. Ata mund të kenë folur me njëri tjetrin dhe ka pasur edhe fotografi duke kaluar kohë të mira së bashku në stërvitje”, sqaroi trajneri argjentinas.

PSG ndeshjen e radhës e luan të martën ndaj Manchester Cityt në Ligën e Kampionëve./Gazeta inFokus/

Subscribe në YouTube: GAZETA INFOKUSI