Fun & Video

Bebja e vjedhur dhe e shitur nga trafikantja misterioze 15 vjet më parë, bashkohet më në fund me familjen

Autori: Gazeta inFokus 07:03 | 12 March 2020

Një bebe e vjedhur djalë, e humbur prej 15 vjetësh është bashkuar së fundmi me familjen e tij pas një apeli në mediat sociale.

Shen Junliang, babai i bebes së humbur Shen Cong, kishte qenë në kërkim të fëmijës së tij që u vodh nga shtëpia e tij në Guangdong, në jug të KInës në 2005.

Shen Cong tashmë 16 vjeç, ishte mes nëntë fëmijëve që ishin vjedhur nga trafikantja misterioze “teze Mei” 15 vjet më parë.

-Advertisement-

Në janar Shen Cong u gjet me ndihmën e policisë duke jetuar në Meizhou, qytet rreth 400km larg vendit ku ai ishte vjedhur, çka solli çështjen në një mbyllje emocionale.

Babai Shen Junliang nuk humbi asnjëherë shpresën për djalin e tij dhe sakrifikoi gjithçka duke lënë punën e duke printuar rreth 1 milionë postera për personin e humbur.

Shen tha se e dinte se djali i tij ishte shitur Guangdong për rreth 1500 dollarë.

“Teze Mei, ka punuar me Zhang Weiping, ka vjedhur e ka shitur nëntë fëmijë. Familjet e këtyre fëmijëve janë shkatërruar. Babai i Jang Jiaxin vrau veten duke u hedhur para trenit. Ai nuk e dinte kush ia kishte vjedhur djalin. Teze Mei duhet të nxirret para drejtësisë”, tha ai.

Por megjithse një gjueti e gjerë ka nisur për Mei nuk dihet shumë për të përveçse ka qenë bashkuese çiftesh.
Identikitet e policisë e paraqesin atë me flokë të shkurtra e faqe të mbushura.
Pesë nga bashkëpunëtorët e saj , duke përfshirë dhe drejtuesin e rrjetit Zhang Weiping, janë kapur në 2016, dy prej të cilëve u dënuan me vdekje dhe dy me burgim të përjetshëm.

Subscribe në YouTube: GAZETA INFOKUSI