Reali pa Benzema dhe Bale në Superkupë
![](https://gazetainfokus.com/wp-content/uploads/2020/01/15240922701944.jpg)
Autori: Gazeta inFokus
08:06 | 08 January 2020
Karim Benzema dhe Gareth Bale nuk janë pjesë e listës së lojtarëve të grumbulluar nga Zinedine Zidane për Superkupën e Spanjës që do të luhet në Arabinë Saudite, këtë vit në një format krejtësisht ndryshe, ku pjesëmarrëse në fazën finale janë 4 skuadra.
Sulmuesi francez ka një shqetësim në këmbën e majtë dhe për këtë arsye trajneri Zidane ka vendosur që ai të mos udhëtojë bashkë me pjesën tjetër të skuadrës për në Lindjen e Mesme.
Edhe uellsiani ka shfaqur disa probleme fizike dhe nuk do të jetë pjesë e ekipit, që fillimisht do të luajë në gjysmëfinale ndaj Valencias dhe në rast kualifikimi, do të luajë për fitimin e Superkupës me fituesin e çiftit tjetër Barcelona-Atletico Madrid. Prej kohësh në radhët e Real Madrid për shkak dëmtimi mungon edhe Eden Hazard, ndërkohë që repartin e sulmit në këto sfida, trajneri Zidane do ia besojë lojtarëve si Lucas Vázquez, Jovic, Brahim Diaz, Mariano Diaz, Vinicius Jr apo Rodrygo.
Pavarësisht se mungesat e Benzema dhe Bale janë tepër shqetësuese për Real Madrid përpara një kompeticioni të tillë siç është Superkupa, statistikat japin një rezultat befasues dhe shpresëdhënës për merengues: që nga sezoni 2013-2014 përqindja e fitoreve të Real Madrid është më e madhe kur në fushën e lojës kanë munguar francezi dhe uellsiani.
Sipas të dhënave, Real Madrid ka fituar 64.2 përqind të ndeshjeve me Benzema dhe Bale në fushë, duke marrë parasysh të gjitha garat zyrtare, ndërkohë që kur dyshja nuk ka qenë e pranishme në fushën e lojës, “Los Blancos” kanë fituar 74.2 përqind të takimeve.
Një statistikë tjetër që mund të ngushëllojë disi tifozët madrilenë është fakti që Real Madrid ka një mesatare shënimi 2.5 gola për ndeshje, si në rastet kur Benzema dhe Bale kanë luajtur po ashtu edhe kur dyshja ka munguar. Gjithsesi deri përpara një sezoni e gjysmë Real Madrid kishte në përbërje një lojtar si Cristiano Ronaldo, i cili për 9 sezone te madrilenët shënoi 450 gola, me një mesatare gati një gol për ndeshje.
Në sezonin aktual, golat e Benzema dhe paraqitjet e Gareth Bale e kanë ndihmuar mjaft skuadrën që të rivalizojë me Barcelonën për titullin kampion në La Liga. Mungesa e lojtarëve të tillë sigurisht që do të peshojnë në lojën e skuadrës së Zidane, i cili do të përpiqet që të shfrytëzojë në maksimum shpejtësinë dhe talentin e Vinicius Jr apo Rodrygos, për të vendosur në vështirësi mbrojtjen e Valencias fillimisht dhe pse jo atë të Barcelonës apo Atletico Madrid në një finale hipotetike.
![](https://gazetainfokus.com/wp-content/uploads/2024/01/comodita-gjermani-frankfurt-181.jpeg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...