Lajme

Konfirmohet takimi Thaçi-Palmer

Autori: Gazeta inFokus 20:49 | 31 October 2019

Presidenti i Kosovës, Hashim Thaçi nesër do të pres në takim Përfaqësuesin Special të SHBA-së për Ballkanin Perëndimor, Matthew Palmer.

Lajmin e ka konfirmuar Kabineti i Presidentit  ku ka bërë të ditur se  takimi do të mbahet në ora 13:30, shkruan gazeta inFokus.

Palmer ditë më parë kishte paralajmëruar një vizitë në Prishtinë, por nuk ishte caktuar data e vizitës.

-Advertisement-

Ai do të mbajë një fjalim në Biblotekën Kombëtare “Pjetër Bogdani”, para studentëve dhe shoqërisë civile.

Palmer më herët kishte thënë se qëllimi i tij është që të kthejë Beogradin dhe Prishtinën në tryezën e bisedimeve sa më shpejt të jetë e mundur dhe të sigurojë një marrëveshje.

Ai po ashtu kishte treguar se e pranoi postin pasi mendon se mund të arrihet një marrëveshje për normalizimin e marrëdhënieve Beograd-Prishtinë, e cila sipas tij, do t’i hapte rrugën drejt Evropës Serbisë dhe Kosovës.

Palmer ka shfaqur shpresën se Qeveria e ardhshme e Kosovës do të pranonte të pezullojë tarifat për të lejuar që dialogu të rifillojë, dhe se Beogradi do të ndalë përpjekjet e tij që vendet e tjera të heqin njohjen e Kosovës.

Ndryshe, bisedimet janë bllokuar që nga nëntori i vitit të kaluar kur Qeveria e Kosovës vendosi tarifën 100 për qind ndaj mallrave serbe. Si kundërpërgjigje, Beogradi kushtëzoi rifillimin e bisedimeve me heqjen e taksës.

SHBA dhe BE i kanë bërë thirrje Qeverisë së Kosovës që të pezullojë taksat për t’u hapur rrugën bisedimeve, gjë e cila është refuzuar nga Prishtina zyrtare, duke thënë se ato do të hiqen vetëm kur Serbia të njohë Kosovën./Gazeta inFokus/.

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

lajme